0
ԴԱՎԹՅԱՆ ՄԻՍԱԿ ԱՐՇԱՄԻ /ծն. 14.10.1934 թ., Սոֆիա, Բուլղարիա/: Կենսաքիմիկոս: Կենսաբանական գիտությունների դոկտոր /1970/, պրոֆեսոր /1972/, ՀՀ ԳԱԱ ակադեմիկոս /1996/, Խաչատուր Աբովյանի անվան ՀՊՄՀ պատվո պրոֆեսոր (19.11.2010 թ.), ՀԽՍՀ գիտության վաստակավոր գործիչ /1981/: 1946 թ-ին հայրենադարձվել է Հայաստան: 1952 թ-ին ավարտել է Երևանի թիվ 10 միջնակարգ դպրոցը, 1958 թ-ին` Երևանի պետական բժշկական ինստիտուտը, 1963 թ-ին` ԽՍՀՄ ԲԳԱ Մոսկվայի կենսաբանական և բժշկական քիմիայի ինստիտուտի ասպիրանտուրան: 1963 թ-ին պաշտպանել է թեկնածուական ատենախոսություն: 1971-2000 թթ-ին եղել է ԵՊՀ կենսաքիմիայի ամբիոնի վարիչ, 1978-1985, 1996-1999 թթ-ին` ԵՊՀ կենսաբանության ֆակուլտետի դեկան, 1985-1989 թթ-ին` ԵՊՀ բնագիտական ֆակուլտետներիուսումնական աշխատանքների գծով պրոռեկտոր, 1990-1991 թթ-ին` առաջին պրոռեկտոր, 1989-1990 թթ-ին` ՀԽՍՀ ժողովրդական կրթության նախարար, 1999-2002 թթ-ին` Խաչատուր Աբովյանի անվան ՀՊՄՀ ռեկտոր: 2006 թ-ից ԵՊՀ կենսաքիմիայի ամբիոնի վարիչն է: 1986 թ-ին ընտրվել է ՀԽՍՀ ԳԱ թղթակից-անդամ, 1996 թ-ին` ՀՀ ԳԱԱ ակադեմիկոս: Ավելի քան 300 հոդվածների, հեղինակային վկայականների, ակնարկային գիտական հոդվածների հեղինակ է: Նրա ղեկավարությամբ պաշտպանվել է ավելի քան 70 թեկնածուական և 4 դոկտորական ատենախոսություն: 1977 թ-ից ԵՊՀ-ում գործող կենսաքիմիայի և կենսաֆիզիկայի գծով գիտական աստիճաններ շնորհող մասնագիտական խորհրդի նախագահն է: Եղել է ,,Կենսաբանություն,, միջբուհական հանդեսի խմբագիր: Պարգևատրվել է Խաչատուր Աբովյանի անվան ՀՊՄՀ ,,Խաչատուր Աբովյան,, մեդալով (19.10.2010 թ):
|
