0
ԲԱՂԴԱՍԱՐՅԱՆ ԳԵՎՈՐԳ ԵՐՎԱՆԴԻ /ծն. 13.01.1936 թ., Ապարանի շրջան, Ծաղկահովիտ գյուղ/: Մեխանիկոս: Ֆիզիկամաթեմատիկական գիտությունների դոկտոր /1978/, պրոֆեսոր /1979/, ՀՀ ԳԱԱ ակադեմիկոս /1994/, Խաչատուր Աբովյանի անվան ՀՊՄՀ պատվո պրոֆեսոր (19.11.2010 թ.): 1953 թ-ին ավարտել է Ապարանի միջնակարգ դպրոցը, 1958 թ-ին` ԵՊՀ ֆիզիկամաթեմատիկական ֆակուլտետը: 1964 թ-ին պաշտպանել է թեկնածուական, 1978 թ-ին` դոկտորական ատենախոսություն: 1958-1964 թթ-ին եղել է ՀԽՍՀ ԳԱ մեխանիկայի ինստիտուտի գիտաշխատող, 1964-1979 թթ-ին` առաջատար գիտաշխատող, 1978-1998 թթ-ին` մագնիսաառաձգականության բաժնի վարիչ, 1978-1979 թթ-ին` ինստիտուտի տնօրեն, 1988-2001 թթ-ին` ԵՊՀ մաթեմատիկական մեթոդների և մոդելավորման ամբիոնի վարիչ, 1992-1994 թթ-ին` կիրառական մաթեմատիկայի և ինֆորմատիկայի ֆակուլտետի դեկան, 1994-1998 թթ-ին` Խաչատուր Աբովյանի անվան ՀՊՄՀ ռեկտոր, 1998-2002 թթ-ին` ՀՀ բարձրագույն որակավորման հանձնաժողովի նախագահ, 2002-2007 թթ-ին` ԵՊՀ ռեկտորի խորհրդական: 2007 թ-ից ԵՊՀ մաթեմատիկական մեթոդների և մոդելավորման ամբիոնի պրոֆեսոր է: Ավելի քան 200 գիտական աշխատությունների հեղինակ է: 1990 թ-ին ընտրվել է ՀԽՍՀ ԳԱ թղթակից-անդամ: Նրա ղեկավարությամբ ու խորհրդատվությամբ պաշտպանվել են շուրջ երկու տասնյակ թեկնածուական և դոկտորական ատենախոսություններ: Ռուսաստանի Դաշնության տեսական և կիրառական մեխանիկայի ազգային կոմիտեի արտասահմանյան անդամ է: Պարգևատրվել է Խաչատուր Աբովյանի անվան ՀՊՄՀ ,,Խաչատուր Աբովյան,, մեդալով (19.10.2010 թ):
|
