0
ՎԱԼԵՍՅԱՆ ԼԵՄՎԵԼ ՀԱԿՈԲԻ /ծն. 30.04.1929 թ., Շիրակի մարզ, գյուղ Ազատան - 15.10.2009 թ., Երևան/: Աշխարհագրական գիտությունների դոկտոր /1967/, պրոֆեսոր /1972/, ԽՍՀՄ մանկավարժական ակադեմիայի թղթակից-անդամ /1985/: 1946 թ-ին ավարտել է Գյումրիի թիվ 7 միջնակարգ դպրոցը, 1952 թ-ին` ԵՊՀ աշխարհագրության ֆակուլտետը, 1958 թ-ին` ԽՍՀՄ ԳԱ աշխարհագրության ինստիտուտի ասպիրանտուրան /Մոսկվա/: 1958 թ-ին պաշտպանել է թեկնածուական, 1967 թ-ին` դոկտորական ատենախոսություն: 1971-1977 թթ-ին եղել է Խաչատուր Աբովյանի անվան ՀՊՄՀ տնտեսական աշխարհագրության և աշխարհագրության դասավանդման մեթոդիկայի ամբիոնի հիմնադիր վարիչ, 1977-1979 թթ-ին` ՀԽՍՀ ԳԱ տնտեսագիտության ինստիտուտի բաժնի վարիչ, 1979-1987 թթ-ին` Խաչատուր Աբովյանի անվան ՀՊՄՀ ռեկտոր, 1987-2006 թթ-ին` ԵՊՀ տնտեսական և սոցիալական աշխարհագրության ամբիոնի վարիչ, 1997-2000 թթ-ին` միաժամանակ` աշխարհագրության ֆակուլտետի դեկան: Հեղինակ է երեք տասնյակից ավելի մենագրության, շուրջ 320 գիտական հոդվածների: Նրա ղեկավարությամբ և խորհրդատվությամբ պաշտպանվել է 13 թեկնածուական, 2 դոկտորական ատենախոսություն: 1994-2009 թթ-ին եղել է աշխարհագրության գծով գիտական աստիճաններ շնորհող մասնագիտական խորհրդի նախագահ: Պարգևատրվել է խորհրդային Պատվո նշան շքանշանով /1985/, Խաչատուր Աբովյանի անվան մեդալով /1982/, ՀԽՍՀ Գերագույն խորհրդի պատվոգրով /1987/: Արժանացել է ,,ԵՊՀ ամբիոնի պատվավոր վարիչ,, կոչման /2006/:
|
