0
ՓԱՐԵՄՈՒԶՅԱՆ ԱՇՈՏ ՍԱՐԳՍԻ /ծն. 02.05.1927 թ., Թումանյանի շրջան, գ. Շնող - 01.09.1999 թ., Երևան/: Կուսակցական, պետական, կրթական գործիչ: ՀԽՍՀ Գերագույն խորհրդի 8-րդ, 9-րդ գումարումների պատգամավոր /1971-1979 թթ-ին/: Պատմական գիտությունների թեկնածու /1955/, դոցենտ /1956/: 1944 թ-ին ավարտել է Ալավերդու Ս.Սպանդարյանի անվան միջնակարգ դպրոցը, 1950 թ-ին` գերազանցությամբ` Խաչատուր Աբովյանի անվան ՀՄՊՀ պատմության ֆակուլտետը, 1953 թ-ին` նույն ինստիտուտի ասպիրանտուրան: 1945-1968 թթ-ին կոմերիտական - կուսակցական աշխատանք է կատարել ՀԼԿԵՄ Թումանյանի շրջկոմում և Խաչատուր Աբովյանի անվան ՀՄՊՀ -ում: 1968-1970 թթ-ին եղել է Խաչատուր Աբովյանի անվան ՀՄՊՀ ռեկտոր, 1970-1976 թթ-ին` ՀԿԿ Երևանի Սպանդարյանի կուսշրջկոմի առաջին քարտուղար, 1976-1981 թթ-ին` ՀԽՍՀ լուսավորության նախարարի տեղակալ, 1981-1988 թթ-ին` ՀԽՍՀ բարձրագույն և միջնակարգ մասնագիտական կրթության նախարարի տեղակալ, 1988-1994 թթ-ին` Խաչատուր Աբովյանի անվան ՀՄՊՀ ռեկտոր: Պարգևատրվել է խորհրդային Աշխատանքային կարմիր դրոշի /1972/, Պատվո նշան /1977/ շքանշաններով, Խաչատուր Աբովյանի անվան մեդալով, Լեհաստանի լուսավորության նախարարության մեդալով:
|