Դեկտեմբերի 20-ին, ժամը 13.00-ին ՀՊՄՀ գիտական գրադարանի հումանիտար գրականության ընթերցասրահում տեղի կունենա ՛՛2012 թվականի լավագույն ընթերցող՛՛ հանդեսը, որի ժամանակ հաղթողներին կհանձնվեն վկայականներ և նվերներ: Մուտքն ազատ է:
Խաչատուր Աբովյանի անվան ՀՊՄՀ գիտական գրադարանը երրորդ անգամ իր շուրջ 17 հազար ընթերցողների թվից ընտրել է 2012 թվականի լավագույն ընթերցողներին: Յուրաքանչյուր ֆակուլտետից և ՀՊՄՀ հենակետային վարժարանից ընտրվել է ամենաբարձր ընթերցողական ցուցանիշ ունեցող մեկական ուսանող և մեկ աշակերտ: Հաղթող ընթերցողներից յուրաքանչյուրը 2012 թվականի հունվար-նոյեմբեր ամիսներին գրադարանից օգտվել է հարյուրից ավելի անգամ: Լավագույն ընթերցող է ճանաչվել ՀՊՄՀ կրթության հոգեբանության և սոցիոլոգիայի ֆակուլտետի 3-րդ կուրսի ուսանող ԼԻԼԻԹ ՍՈՍԻ ԿԱՐԱՊԵՏՅԱՆԸ /տարվա ընթացքում օգտագործել է 230-ից ավելի տպագիր միավոր/: Առաջին անգամ ընտրվել են նաև ամենաընթերցված հեղինակները:
