ԳԻՏԱԿԱՆ ԳՐԱԴԱՐԱՆԻ ՀՅՈՒՐԸ
ԱԼԵՔՍԱՆԴՐ ՄԱԼԱՅԱՆՆ ԷՐ
Նոյեմբերի 21-ին Խաչատուր Աբովյանի անվան Մանկավարժական համալսարանի գիտական գրադարանի հյուրն էր Մալայան բժշկական կենտրոնի տնօրեն, բժշկական գիտությունների դոկտոր-պրոֆեսոր Ալեքսանդր Սերգեյի Մալայանը:
Այցի առիթը կրկնակի էր: Պրոֆեսոր Ալեքսանդր Մալայանը ամիսներ առաջ Համալսարանի գիտական գրադարանին էր նվիրել հայրական գրադարանից շուրջ 300 մեծարժեք գիրք: Նվիրատվության շնորհանդեսն էր: Ինչպես նաև իրականացվելու էր համալսարանի դասախոսներ Հակոբ Գրիգորյանի, Ռոբերտ Ազարյանի, պրոֆեսոր Ալեքսանդր Մալայանի ու նրար դստեր՝ Ելենա Մալայանի համահեղինակությամբ տպագրված «Տեսողական օրգանի անատոմիա, ֆիզիոլոգիա և պաթոլոգիա» ուսումնական ձեռնարկի շնորհանդեսը:
Միջոցառումը տեղի ունեցավ հումանիտար գրադարանի փոքր սրահում: Միջոցառմանը մասնակցեցին հատուկ կրթության ֆակուլտետի յոթ տասնյակից ավելի ուսանողներ, դասախոսներ:
Տիգրան Պետրոսյանցը պրոֆեսոր Ալեքսանդր Մալայանին հանձնեց շնորհակալագիր՝ գիտական գրադարանին կատարած գրքային նվիրատվության համար: «Տեսողական օրգանի անատոմիա, ֆիզիոլոգիա և պաթոլոգիա» ձեռնարկի մասին խոսեցին Հակոբ Գրիգորյանը, Ստեփան Գրիգորյանը, Ռոբերտ Ազարյանը, Ալեքսանդր Մալայանը:
Լուսանկարը Սյուզաննա ԱռաքելՅանի |