99-ՐԴ ՀԱՆԴԻՊՈՒՄԸ
Հիշողության լուսանկար
2015 թ-ի հունիսի 20-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց 99-րդ հանդիպումը:
Հանդիպման սկզբում Տիգրան ՊետրոսՅանցը ներկայացրեց անցած շաբաթվա երեք իրադարձություն:
Առաջին՝ ՀՀ Պաշտպանության նախարարության հետ համագործակցության փաստաթուղթ կկնքվի, որով «ԶՈՐԱՎԱՐ» հիմնադրամը և իր կազմում գործող Մանկավարժական համալսարանի գիտական գրադարանի «Չորեքշաբթի» գրական ակումբը կհամագործակցեն նախարարության համապատասխան կառույցների հետ և հաճախակի արտագնա մշակութային միջոցառումներ կկազմակերպեն զորամասերում՝ նպաստելով բուհի ուսանողների և զինվորների հայրենասիրական դաստիարակության գործին:
Երկրորդ՝ մի քանի ընկերներով այցելել են Էջմիածնի Արշալույս գյուղում ապրող քարգործ վարպետ Ռուբեն Նալբանդյանին և ուղղակի ապշած են նրա կատարած աշխատանքով: Այս դեպքում ևս պայմաններ են ստեղծվել փոխադարձ այցերի համար:
Երրորդ՝ ակումբի անդամ Լիլիթ Համբարձումյանը Հռոմում բարձր է պահել մեր Երկրի պատիվը և երգի մրցույթում արժանացել է Մեծ մրցանակի:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Մհեր Խեչոյանը /«Լավություն արա»/, Արմենուհի Մելքոնյանը /«Կարոտել եմ»/, Ալ-Վարդը /Ալվարդ Հարությունյան, «Անվերնագիր»/, Մարգարիտ Հովսեփյանը /«Մայր իմ սիրելի»/, Հրաչյա Հարությունյանը /«Ես լսեցի»/, Իշխան Բադալյանը /«Աչքերիդ մեջ»,«Բավ է», «Եթե ծաղրում ես», «Բաբախյուն»/:
Բոլոր ստեղծագործությունների շուրջ ծավալվեց օգտակար քննարկում:
Միշա Թադևոսյանը կարդաց Անի Կարեյանի իր համար շատ սիրելի բանաստեղծությունը: Տիգրան ՊետրոսՅանցը խոսեց Անիի վիպակների և մասնավորապես տվյալ բանաստեղծության մասին:
Հանդիպման «Մշակութային լուսանցք» բաժնում Վարդ Կարապետյանը երկու երգ կատարեց ջութակով, Մարգարիտ Հովսեփյանը կատարեց «Նախագահի կին եմ ես» երգը:
Հանդիպումն ամփոփեց Տիգրան ՊետրոսՅանցը: |