ԻՄ ՀԱՅ ԺՈՂՈՎՈՒՐԴ
Որդիական սիրով շնորհավորում եմ քեզ Նոր տարվա՝ Ամանորի ու Սուրբ ծննդյան տոների առթիվ:
Շնորհավորում եմ քո իրական ու առաջին մտավորականներին՝ միլիոն տարի երկիրը պահող զինվորականներին...
Շնորհավորում եմ քո գրող-սովորեցնող-ուսուցանող-դաս առնող, նկարող որդիներին...
Շնորհավորում եմ քո բարիք ստեղծող գյուղացուն, քո բանվորին, քո շինարարին, քո մարզիկներին...
Շնորհավորում եմ աշխարհով մեկ ցրված քո 15 միլիոնանոց որդիությանը...
Հայոց պատմական պետականության 4507-րդ տարում հայերիս կամենում եմ սեր իրար հանդեպ և հավատ մի-միայն սեփական ուժերին...
Քո որդի Տիգրան ՊետրոսՅանց
Եվ հայ բանաստեղծի պատգամը մեզ ուղեկց լինի...
ՌԱՖԱՅԵԼ ՊԱՏԿԱՆՅԱՆ
Երնե՜կ, թե այս Նոր տարին
Վերջ տար հայի ցավերուն.
Չարը կորչեր, ու բարին
Բուն դներ մեր սրտերուն:
Երնե՜կ, թե այս Նոր տարին
Ազատ շնչեր Հայաստան,
Եւ շուրջ Մասիս մեր սարին
Փայլեին արտ-անդաստան:
Երնե՜կ, թե այս Նոր տարին
Ոտքի կանգներ Հայաստան,
Եւ կիսաքանդ մեր Կարին
Լիներ քաղաք մեր ոստան:
Երնե՜կ, թե այս Նոր տարին
Հայ սրտի մեջ ուժ հոսեր,
Ապավինած յուր սրին,
Հայը քուրդեն չի սարսեր:
Երնե՜կ, թե այս Նոր տարին
Հայ ազգ ի մի գումարվեր,
Ի գլուխ Կարնո հայ ամրին,
Հայի դրոշակ ծածաներ:
Հայե՜ր, երբեք չերկտենք,
Կկատարվի այս ամեն,
Եթե իսպառ մենք հանենք
Փոքրոգություն մեր սրտեն:
|