Ամանորյա «ջազ նվեր» Մանկավարժականի ուսանողներին եւ դասախոսներին
30.12.2011
Դեկտեմբերի 30-ին Ամանորի և Սուրբ ծննդյան առթիվ ՀՊՄՀ կուլտուրայի
ֆակուլտետի դահլիճում տեղի ունեցավ «Մանկավարժական համալսարանի Գարի
Քյոսայանի ջազ քառյակի» տարեվերջյան տոնական համերգը: Համերգի ընթացքում հնչեցին Գ.Քյոսայանի, Կոսմայի, Մ.Լեգրանի, Ջ.Գերշվինի և այլոց ստեղծագործությունները: Ամփոփելով
տարին աշխարհահռչակ ջազմեն, դաշնակահար, կոմպոզիտոր Գարի Քյոսայանը
դրական համարեց մանկավարժական համալսարանի հետ համագործակցությունը, նշելով
որ այստեղ տիրում է առողջ մթնոլոտ և որ իրենց քառյակի ստեղծագործական
գործունեությունը կբարձրացնի համալսարանի մակարդակն ու կմոտեցնի բարձրակարգ
արվեստին: Ապագայում քառյակը նախատեսում է վարպետության դասեր
անցկացնել համալսարանում և համագործակցել դասական երաժիշտների ու ջազային
արվեստը սիրողների հետ: Գարի Քյոսայանը շնորհավորեց Համալսարանի
ուսանողների ու պրոֆեսորադասախոսական կազմի Ամանորն ու մաղթեց լույս և
հույս : | 
