Այցելություն Ծիծեռնակաբերդ
ՀՈԳՈՒ ՏՈՒՐՔ, ՈՐ ԿԵՐՏԵԼՈՒ Է ՀԱՂԹԱՆԱԿ

Հայոց Ցեղասպանության 100-ամյա տարելիցի շրջանակներում Խաչատուր Աբովյանի անվան հայկական պետական մանկավարժական համալսարանի ղեկավարության որոշմամբ Համալսարանի կոլեկտիվը՝ ուսանողները, դասախոսները, վարչական աշխատողները ապրիլի 21-ին այցելեցին Ծիծեռնակաբերդ և ծաղիկներ դրեցին անմեղ զոհերի հուշարձանի անմար կրակի շրջաշարին: 
Հազարավոր աբովյանցիների հետ այցին մասնակցեց նաև ՀՊՄՀ գիտական գրադարանի կոլեկտիվը:
Բոլոր այցելուների համար 100-րդ տարվա այս այցը հոգու տուրք էր, որ կերտելու է Հաղթանակ և ապահովելու է հայի ներկայությունը իր պատմական տարածքի վրա: