ՀՊՄՀ գիտխորհուրդը միաձայն ՀՀ Գիտությունների ազգային ակադեմիայի առաջիկա ընտրությունների համար առաջադրեց թեկնածուներ:
     Առաջադրվեցին ՀՊՄՀ նախկին ռեկտոր, դոկտոր-պրոֆեսոր Արտուշ Ղուկասյանը, ամբիոնի վարիչներ, դոկտոր-պրոֆեսորներ` Աելիտա Դոլուխանյանը, Լալիկ Խաչատրյանը, ՀՊՄՀ շրջանավարտ, պատմական գիտությունների դոկտոր-պրոֆեսոր, ՀՀ արտաքին գործերի նախարարի առաջին տեղակալ, ՀՀ արտակարգ և լիազոր դեսպան Արման Կիրակոսյանը:
     Որոշում ընդունվեց Գիտությունների ազգային ակադեմիայի իսկական անդամի ընտրություններում սատարել Երևանի պետական համալսարանի ռեկտոր Արամ Սիմոնյանին:

19.11.2010 թ.

     ՀՊՄՀ գիտխորհրդի դահլճում ՀՊՄՀ ռեկտորի պաշտոնակատար Ռուբեն Միրզախանյանը, Հայաստանի ագրարային համալսարանի 10-ամյակի կապակցությամբ, համալսարանի ռեկտոր, ՀՀ Գիտությունների ազգային ակադեմիայի թղթակից անդամ Յուրի Սուվարյանին հանձնեց ՀՊՄՀ ,,Խաչատուր Աբովյանի անվան մանկավարժական համալսարան,, մեդալը: Նա շնորհավորական խոսք ասաց Յուրի Սուվարյանին:
     Ընդունելով պարգևը, Յուրի Սուվարյանը նշեց, որ այն պարտավորեցնող է: Նա նաև խոսեց նոյեմբերի 15-ին երկու համալսարանների միջև կնքված Հուշագրի մասին, որով մանկավարժական և ագրարային համալսարանները պարտավորվում են համատեղ ծրագրեր իրականացնել և  մասնավորապես համատեղ մենեջմենտի բնագավառի մասնագետներ պատրաստել: