Հայաստանասիրություն
ԽՈՆԱՐՀՈՒՄ ՀԱՅՈՑ ԱՐՔԱՅԱԿԱՆ ԽՈՐՀՐԴԱՆԻՇՆԵՐԻՆ
Փետրվարի 25-ին, «Վահագն» ռազմահայրենասիրական կազմակերպության նախաձեռնությամբ և մեկուկես տասնյակից ավելի կազմակերպությունների ներկայացուցիչների մասնակցությամբ, Երևանի կույրերի միավորման կուլտուրայի տան դահլիճում կազմակերպվեց ոգեկոչման արարողություն նվիրված Անդրանիկ Զորավարի ծննդյան 153-ամյակին, «Վահագն» ռազմահայրենասիրական կազմակերպության 5-ամյակին և Հայոց արքայական խորհրդանիշների փոխանցման հերթական արարողությանը:
Հայոց արքայական խորհրդանիշների փոխանցման հերթական արարողության ավարտին «Զորավար» հիմնադրամի նախագահ, Խաչատուր Աբովյանի անվան Մանկավարժական համալսարանի գիտական գրադարանի տնօրեն Տիգրան ՊետրոսՅանցը ասաց.
«Սիրելի բարեկամներ: Թույլ տվեք գլուխ խոնարհել Անդրանիկ Զորավարի հիշատակին՝ ծննդյան օրվա առթիվ, ջերմորեն շնորհավորել «Վահագն» ռազմահայրենասիրական կազմակերպության 5-ամյա տարեդարձը: Քիչ առաջ դուք ականատես եղաք Հայոց արքայական խորհրդանիշների հանձնման արարողությանը: Սա միայն հանձնում-ընդունում չէ, խորհրդանիշ չէ, այլ իր մեջ կրում է ապագային ուղղված տեսլական՝ Հայոց պետականությունը մեկ թագի տակ հավաքելու մեծ նպատակ»:
Հնչեցին բազում շնորհավորական խոսքեր, հայրենասիրական երգեր, եղան պարգևների հանձնումներ և այդ ամենը մասնակից կազմակերպությունների դրոշների ծածանումով: |