Քեզանից առաջ

Քեզանից առաջ խոր դատարկություն,
Բայց այն լցնելու համառ ցանկութուն:
Քեզանից առաջ անիմաստ հուզմունք,
Դեռ չասված խոսքեր ու անսեր զգացմունք:
Քեզանից առաջ լոկ պատկերացում,
Մի երազ անբիծ, որը չի խոցում:

Քեզ հետ մի աշխարհ, որը չի եղել,
Որքան էլ փորձեն տիեզերք պեղել:
Քեզ հետ անուրջն է գունավոր, լուսեղ,
Որ կա աշխարհում կամ բարի մի տեղ:
Քեզ հետ այդ բարին դրախտ է դառնում,
Չկան չար բաներ, մարդիկ չեն մեռնում:

Քեզանից հետո երազս մեռավ,
Որն իր հետ ամբողջ հույզերս տարավ:
Քեզանից հետո մռայլ են դառնում,
Դժգույն դեմքերն իմ առաջ հառնում:
Քեզանից հետո դեռ քեզ եմ հիշում,
Ու իմ հուշերից երբեք չեմ խորշում:

Հենց այնպես

Չի լինում և ոչ մի բան այս կյանքում հենց այնպես,
Չեն հանդիպում մարդիկ իրար ուղղակի, պարզապես:
Աստծո կամքն է այն ամենը, ինչ որ կա մեր շուրջ,
Սա կատակ չէ, իրավ բան է`անչափ բարդ է ու լուրջ:
Գուցե մեկին ձեռնտու է սա կոչել պատահական,
Չվերլուծել այն փաստերը, որ մեր շուրջն են ու ստույգ կան:
Շատերին էլ վախեցնում է խոստովանել` դա է ճիշտ,
Իսկ ոմանց էլ ցավեցնում է ու պատճառում է մեծ վիշտ:
Չէ որ հաճախ Աստծո կամքը այն չէ, ինչ ուզում ենք մենք,
Հենց դրանից խռովում ենք և ուզում պատճառ գտնել:
Վերլուծում ենք մենք անդադար այն, ինչ ցավեցնում է մեզ,
Չգտնելով մենք էլ նորից դառնում ենք շատ հեզ:
Ամեն անգամ նույն ավարտն է. դրանից եմ ես հոգնել,
Համոզված եմ համամիտ ես ինձ հետ այս պահին դու էլ: