ՋԵՐՄՈՐԵՆ ՇՆՈՐՀԱՎՈՐՈՒՄ
ԵՎ
ԲԱՐԻ ԵՐԹ ԵՄ ՄԱՂԹՈՒՄ
Խաչատուր Աբովյանի անվան հայկական պետական մանկավարժական համալսարանի բակալավրի և մագիստրոսի կրթական ծրագրերի շրջանավարտներ
Ջերմորեն ու սրտանց շնորհավորում եմ բոլորիդ բուհական կրթությունը
ավարտելու և բակալավրի ու մագիստրոսի դիպլոմներ ստանալու կապակցությամբ:
Այնպես է ստացվել, որ ձեզանից յուրաքանչյուրին գիտեն միայն ձեր դասախոսները, իսկ բոլորիդ միասնաբար գիտեմ ու ճանաչում եմ որպես համալսարանի գիտական գրադարանի ընթերցողների:
Ես և գրադարանի յուրաքանչյուր աշխատող անցած տարիների ընթացքում, գրեթե
ամեն կրթական օր, շփվել ենք ձեզ հետ ու մի փոքրիկ լումա ունենք ձեր
գիտելիքների հանրագումարում, որ այսօր վերածել եք սովորական ու
գերազանցության դիպլոմների:
Ես հպարտ եմ, որ գերազանցության
դիպլոմներ են ստացել իմ շատ սիրելի մագիստրոսներ Աննա Վիրաբյանը
/պատմության և իրավունքի ֆակուլտետ/, Սերինե Հովհաննիսյանը /ֆիզիկայի,
մաթեմատիկայի և ինֆորմատիկայի ֆակուլտետ, գրադարանի ՛՛Չորեքշաբթի՛՛ գրական
ստուդիայի անդամ/, Մելինե Սիմոնյանը /կուլտուրայի ֆակուլտետ, մշակութաբան,
գրադարանի ՛՛Չորեքշաբթի՛՛ գրական ստուդիայի անդամ/, սովորական դիպլոմ՝
Ռեգինա Ճաղարյանը /կուլտուրայի ֆակուլտետ, մենեջմենտի բաժին, գրադարանի
՛՛Չորեքշաբթի՛՛ գրական ստուդիայի անդամ/...
Ես այսպես կարող եմ թվել համալսարանի այս տարվա գրեթե բոլոր շրջանավարտներին:
Համոզված եմ, որ մագիստրոս շրջանավարտների հետ կհանդիպեմ գիտական,
տնտեսական, կրթական և մշակութային տարբեր ասպարեզներում, իսկ բակալավրների
զգալի մասի հետ նաև մեր համալսարանի մագիստրոսական բաժիններում:
Ձեր բոլորին ես շատ սիրում և հաջողություն եմ մաղթում կյանքում և ուսումնական գործընթացում: Բարի երթ ձեզ:
Բոլոր մագիստրոսներին նաև առաջարկում եմ մնալ համալսարանի գրադարանի
ընթերցող: Համոզված եղեք, որ գրադարանի յուրաքանչյուր աշխատող ձեզ միշտ
կընդունի այն նույն սիրով, ինչը դուք տեսել եք ուսումնառության անցած բոլոր
տարիներին:
Սիրով՝ Տիգրան ՊետրոսՅանց
ՀՊՄՀ գիտական գրադարանի տնօրեն
24.06.2013 թ.
|
