291-ՐԴ ՀԱՆԴԻՊՈՒՄ

2019 թ-ի մարտի 2-ին, շաբաթ օրը, ժամը 13.00-ին Խաչատուր Աբովյանի անվան Մանկավարժական համալսարանի գիտական գրադարանի հումանիտար գրականության մեծ ընթերցասրահում տեղի ունեցավ «Չորեքշաբթի» գրական ակումբի 291–րդ հանդիպումը:

Հանդիպումն ամբողջովին նվիրվեց «Չորեքշաբթի» գրական ակումբի անդամ, Երևան քաղաքի թիվ 194 դպրոցի ուսուցիչ Մարիամ Թարվերդյանին, ներկայացվեց նրա բանաստեղծական աշխարհը: Հանդիպմանը հնչեցին նրա ստեղծագործությունները:
Հանդիպմանը մասնակցեցին «Չորեքշաբթի» գրական ակումբի անդամներ, Երևանի թիվ 194 դպրոցի տնօրենի տեղակալներ, ուսուցիչներ, հինգ տասնյակից ավելի աշակերտներ, ծնողների հետ, Մարիամ Թարվերդյանի բազմաթիվ ընկերներ:

Մարիամ Թարվերդյանի կենսագրությունից

Ծնվել է 1955 թ-ի հունվարի 14-ին, Արարատի մարզի Տափերական գյուղում: Ավարտել է գյուղի միջնակարգ դպրոցը, ապա ստացել է մանկավարժական կրթություն: 1974-1976 թթ-ին եղել է Նուբարաշենի թիվ 95 միջնակարգ դպրոցում դասվար, 1985-2012 թթ-ին՝ Երևանի Գրիգոր Զոհրապի անվան թիվ 43 միջնակարգ դպրոցի դասվար: 2012 թ-ին դպրոցը վերակառուցվել է ավագ դպրոցի: Նույն թվականից դասվար է աշխատում Երևանի Արմեն Հովհաննիսյանի անվան թիվ 194 դպրոցում: Ստեղծագործում է 2015 թվականից: 2018 թ-ին տպագրել է իր առաջին «Հոգուս գույները» բանաստեղծությունների գիրքը: Անդամակցում է մի շարք գրական, մշակութային միությունների: Արժանացել է Մշակույթի հանրապետական խորհրդի «Մշակույթի լավագույն գործիչ» կոչման /2017 թ./: Աշխատանքային գործունեությունը գնահատվել է պատվոգրերով, շնորհակալագրերով:

Հնչեցին բազմաթիվ ելույթներ: Օրվա առիթով բոլոր ելույթ ունեցողները կարդում էին Մարիամ Թարվերդյանի բանաստեղծություններից: Չորս տասնյակից ավելի բանաստեղծություններ արտասանեցին նրա հին և ներկա աշակերտները:

Հանդիպումն ամփոփեց Տիգրան ՊետրոսՅանցը: Նա Մարիամ Թարվերդյանին հանձնեց իր հիմնադրած :«Զորավար» հիմնադրամի պատվոգիր:

Աննա Մարտիրոսյան
Լուսանկարները՝ Սյուզաննա ԱռաքելՅանի