«Զորավարի» արխիվից
ՄԵԴԱԼ՝ ՌԱԼՖ ՅԻՐԻԿՅԱՆԻՆ
Հիշողության լուսանկար
2009 թ-ին տպագրված Տիգրան ՊետրոսՅանցի և Գարեգին Ղազարյանի «1000 հայազգի գեներալներ, ծովակալներ» կենսագրական հանրագիտարանի հայերեն տարբերակի գլխավոր հովանավոր դարձավ VIVACELL-MTS ընկերությունը: Հանրագիտարանի կողակազմին տեղադրված է ընկերության խորհրդանիշը, իսկ 5-րդ էջում շնորհակալության խոսք է տեղադրված Ռալֆ Յիրիկյանին:
2014 թ-ի մայիսին ստեղծվեց «ԶՈՐԱՎԱՐ» բարեգործական հիմնադրամը: Հիմնադրամի գլխավոր խնդիրն է հայ զորավարների հանրահռչակումը: 2015 թ-ի սկզբին Հիմնադրամը հիմնեց «Հայ ժողովուրդի վրիժառու բազուկը - Սողոմոն Թեհլիրյան» մեդալը, որով պարգևատրվել են հայ վրիժառուները, Արցախյան պատերազմի մասնակիցները:
Նախատեսված է այդ մեդալով պարգևատրել նաև հայ զինվորականության հանրահռչակմանը նպաստող անհատներին: Այս ծիրում «1000 հայազգի գեներալներ, ծովակալներ» կենսագրական հանրագիտարանի հայերեն հրատարակությունը խիստ կարևոր գործ էր: Եվ վերոհիշյալից ելնելով 2009 թ-ին հրատարակված հանրագիտարանի հայերեն տարբերակի հրատարակությունը հովանավորելու համար «ԶՈՐԱՎԱՐ» հիմնադրամը Ռալֆ Յիրիկյանին պարգևատրեց «Սողոմոն Թեհլիրյան» մեդալով:
2015 թ-ի հունիսի 29-ին Հիմնադրամի ներկայացուցիչները՝ «ԶՈՐԱՎԱՐ» հիմնադրամի տնօրեն Տիգրան ՊետրոսՅանցը, հոգաբարձուների խորհրդի նախագահ Հրաչյա Պետրոսյանցը, անդամ Գոհար Մկոյանը հյուրընկալվեցին VIVACELL-MTS ընկերության գլխամասային կառույցում և Ռալֆ Յիրիկյանին հանձնեցին մեդալը: |
