Մանկավարժական համալսարանի դասախոսների և ուսանողների հետ
Ռազմիկ Դավոյանի հանդիպումը նվիրված էր հայ մեծանուն բանաստեղծի ծննդյան 70-ամյակին: Համալսարանում սիրով ու հպարտությամբ են հիշում բոլոր այն բացառիկ անհատականություններին, որոնց կյանքի ուսումնառության շրջանը կապված է այս բարձրագույն հաստատության հետ:
Հանդիպումը բացեց համալսարանի ռեկտորի պաշտոնակատար, պրոֆեսոր
Ռուբեն Միրզախանյանը: Գիտական խորհրդի որոշմամբ նա բանաստեղծին պարգևատրեց ,,
Խաչատուր Աբովյան,, մեդալով:
Բանաստեղծն իր ելույթում հիշեց ուսանողական տարիները` իր կյանքի լավագույն շրջանը, երբ գիտելիք ստանալուց բացի նաև կյանքի դպրոց էին անցնում:
Բանասիրական ֆակուլտետի դեկան, պրոֆեսոր
Մարտին Գիլավյանը ներկայացրեց Ռազմիկ Դավոյանի բանաստեղծական դիմանկարը:
Սիլվա ԱՍՐՅԱՆ
Ըստ ,,Հայաստանի Հանրապետություն,, օրաթերթի,
17 դեկտեմբերի 2010 թ., թիվ 237:
