ԳԱԼՈՒՍՏԴ ԲԱՐԻ 2019 ԹՎԱԿԱՆ

Տիեզերական ժամանակը ևս մեկ տարի գլորեց իր միլիարդավոր տարիների հաշվեկշռի արխիվը: Հողագնդի վրա ապրողներս դարձանք դրա մասնակիցն ու վկան: 
Անցած 365 օրերի մեջ և հաղթանակներ ենք նշել, և, ցավոք, պարտություններ: Երկուսն էլ անխուսափելի, պարտադիր այցելուներ են և պարտավոր ենք դիմավորել ու ճանապարհել: 
Տարեվերջի այս պահին բարի եմ մաղթում գնացող 2018 թվականին, որ մոր ազգին պարգևեց մեր ամենամեծ հաղթանակը՝ Նոր Հայաստանը, որին պարտավոր ենք ազգովի սիրել, ազգովի պահել:
Գալիք տարվա հայտնությունից ժամեր առաջ բարի եմ մաղթում եկող 2019 թվականին:
Սիրելիներս՝
- իմ զավակներ և թոռներ,
- իմ Մելիք-Մարտիրոսյան տոհմ ու վեց գերդաստաններ,
- իմ կյանքի տարբեր ժամանակների ընկերներ,
- իմ ուսանողներ,
- իմ լավագույն ընթերցողներ,
- իմ «չորեքշաբթեցիներ»,
- իմ հայատառ անունով ՖԲ 5000 ընկեր-հայեր,
- իմ համագյուղեցիներ,
- իմ համաշրջանեցիներ,
- իմ մարզեցիներ,
- իմ մայրաքաղաքցիներ,
- իմ Հայաստանցիներ,
- իմ Արցախցիներ,
- իմ Երկու պետությունների սահմաններին կանգնած անհաղթ զինվորներ ու սպաներ,
- իմ Երկու պետությունների սահմաններից դուրս ապրող 15 միլիոն մաքուր /հորով-մորով/ և ավելի քան 70 միլիոն հայկական արյունից սերված հայեր,
- իմ տիեզերական ազգություն
Թող գալիք 2019 թվականը լինի ազգային երազանքին ևս մեկ քայլ մոտեցնող տարի: 
Բաժակ բարձրացնենք մեր Նոր Հայաստանի, մեր միասնության ու տարածքային միասնականացումների, մեր հարկերի տակ ձևավորվող նոր ընտանիքների, ծնվող մանկիկների՝ Հայկերի, Արամների, Վահագների, Տիգրանների, Զաքարեների, Անահիտների, Աստղիկների, Նանեների, Հասմիկների, Անուշների, Հայոց սրբության սրբոց Հայերեն տառերի ու Հայոց լեզվի հավերժության համար:
ՇՆՈՐՀԱՎՈՐ 2019 ԹՎԱԿԱՆ:

Տիգրան ՊետրոսՅանց