«ՄԻԱՑՅԱԼ ԽԱՉ» ՀՈՒՇԱՐՁԱՆԸ ՆԱՄԱԿԱՆԻՇԵՐՈՒՄ
/ՑՈՒՑԱՀԱՆԴԵՍ ՀՊՄՀ ԳԻՏԱԿԱՆ ԳՐԱԴԱՐԱՆՈՒՄ/
Այսօր Երևանում բացվեց հայ և ռուս ժողովուրդների դարավոր բարեկամության
ինքնատիպ խորհրդանիշ հանդիսացող «Միացյալ Խաչ» հուշարձանը: Հուշարձանի
նույնատիպը, որի պատվանդանին փորագրված է՝
«Օրհնյալ է հայ և ռուս ժողովուրդների դարավոր բարեկամությունը», Մոսկվայի
850-ամյակի առթիվ 1997 թ-ին տեղադրվել է Մոսկվա քաղաքի կենտրոնում`
Նիկիտյան Դարպասների պուրակում /հուշարձանի հեղինակային խմբի ղեկավարն է
քանդակագործ, Հայաստանի վաստակավոր նկարիչ, Ուկրաինայի արվեստի վաստակավոր
գործիչ, ԽՍՀՄ Լենինյան մրցանակի դափնեկիր Ֆրիդրիխ Սողոյանը,
ճարտարապետները՝ Ռազմիկ և Տիգրան Մանուկյանները/:
Այս առիթով
Խաչատուր Աբովյանի անվան հայկական պետական մանկավարժական համալսարանի
հումանիտար գրականության ընթերցասրահում բացվել է ՀՊՄՀ վաստակաշատ դասախոս,
նամականիշագետ, գիտության թեկնածու, դոցենտ Աշոտ Բաբախանյանի «Միացյալ
Խաչ» հուշարձանին նվիրված նամականիշերի ցուցադրությունը:
Ներկայացված
են 2006 թ-ի հունվարին միաժամանակ Ռուսաստանի և Հայաստանի կապի
նախարարությունների կողմից թողարկված ու շրջանառության մեջ դրված
նամականիշերը, որոնց խորապատկերում ներկայացված է «Միացյալ Խաչ» հուշարձանի
պատկերը, թերթային հոդվածներ այդ նամականիշերի շրջանառության մեջ դրվելու
մասին:
Ցուցադրությունը նվիրված է հայ և ռուս ժողովուրդների դարավոր բարեկամությանը:
Աննա Մարտիրոսյան
ՀՊՄՀ գիտական գրադարանի ավագ գրադարանավար
|
