ՄԻՋԲՈՒՀԱԿԱՆ ԳՐԱԿԱՆ-ՍՏԵՂԾԱԳՈՐԾԱԿԱՆ
ՓԱՌԱՏՈՆԻ ՄԱՍՆԱԿՑՈՒԹՅԱՆ ՀՐԱՎԵՐ
Մարտի 27-ին, ժամը 16.00-ին, Խաչատուր Աբովյանի անվան Մանկավարժական համալսարանի կուլտուրայի ֆակուլտետի դահլիճում ՀՊՄՀ ուսանողական գիտական ընկերությունը և ՀՊՄՀ գիտական գրադարանի ՛՛Չորեքշաբթի՛՛ գրական ակումբը կազմակերպում են Միջբուհական գրական-ստեղծագործական փառատոն:
Մասնակիցների թվում են Խաչատուր Աբովյանի անվան Մանկավարժական համալսարանի, Երևանի պետական համալսարանի, ՀՀ Գիտությունների ազգային ակադեմիայի մագիստրատուրայի, Մխիթար Հերացու անվան բժշկական համալսարանի, ՀՀ ՊՆ Մարշալ Արմենակ Խանփերյանցի անվան ռազմական ավիացիայի ինստիտուտի, ՀՀ ոստիկանության ակադեմիայի, Հայ-ռուսական /Սլավոնական/ համալսարանի, Վալերի Բրյուսովի անվան լեզվաբանական համալսարանի, Արցախի պետական համալսարանի, Մոսկվայի նոր իրավաբանական համալսարանի Երևանի մասնաճյուղի ուսանողներ և ուսանողուհիներ, ՛՛Եվրասիա՛՛ վարժարանի աշակերտներ:
Մրցատյանի /ժյուրի/ կազմում ընդգրկված են ճանաչված գրականագետներ, արվեստագետներ, գրող-լրագրողներ, հասարակական-պետական գործիչներ:
Սահմանված են երեք անվանակարգի ՛՛Լավագույնին՛՛ մրցանակներ /չափածո, արձակ ստեղծագործություններ և ասմունք/:
Անկախ մրցանակային տեղերից՝ բոլոր մասնակիցները կստանան նվեր՝ ՛՛Գրական-ստեղծագործական փառատոնի մասնակից՛՛ մակագրությամբ:
|
