ԻՆԵՐՈՐԴՑԻՆԵՐԸ ԳՐԱԴԱՐԱՆՈՒՄ
Խաչատուր Աբովյանի անվան Մանկավարժական համալսարանում բացառիկ ուշադրություն է դարձվում ուսանողների մանկավարժական պրակտիկային: Այդ ձեռնարկի համատեքստում պրակտիկայի ընթացքում այդ աշխատանքը ղեկավարող դասախոսների, ուսանողների կողմից իրականացվում է համալսարանի հանրայնացման, ինչպես նաև դպրոցականների մասնագիտական կողմնորոշման գործողություն՝ կազմակերպվում են այդ դպրոցների աշակերտների այցերը Մանկավարժական համալսարան:
Նոյեմբերի 24-ին Համալսարանի պատմության և իրավագիտության ֆակուլտետի իրավագիտության բաժնի 3-րդ կուրսի ուսանողներ Սյուզիի, Նաիրայի, Գոհարի, Սուսանի, Արամի և ճանաչողական պրակտիկայի ղեկավար, իրավագիտության ամբիոնի դասախոս Աիդա Կոծինյանի ուղեկցությամբ Համալսարան էին այցելել Երևանի Գագիկ Ստեփանյանի անվան թիվ 135 հիմնական դպրոցի 9-րդ «ա» դասարանի աշակերտները դասղեկի, հայոց լեզվի ևգրականության ուսուցիչ Արամ Սողոմոնյանի, նույն դասարանցի, դպրոցի աշակերտական խորհրդի նախագահ Մանե Պետրոսյանցի ղեկավարությամբ:
Համալսարանի գիտական գրադարանի հումանիտար գրականության ընթերցասրահում նրանց ընդունեց գրադարանի տնօրեն Տիգրան ՊետրոսՅանցը: Նա աշակերտներին՝ Նանեին, Ալեքսին, Արսենին, Դավթին, Տաթևին, Աննային, Մերիին, մյուսներին պատմեց գրադարանի 95-ամյա ճանապարհի, Համալսարանի ձեռքբերումների, ուսուցանվող վաթսունից ավելի մասնագիտությունների մասին, նշեց, որ աշխարհի լավագույն մասնագիտություններից առաջինը մանկավարժի մասնագիտությունն է և կոչ արեց, որ 9-րդ դասարանցիները դպրոցն ավարտելուց հետո ուսումը շարունակեն Համալսարանի ավագ դպրոցում և այնուհետև ընդունվեն Մանկավարժական համալսարան: Նա պատասխանեց աշակերտների հարցերին:
9-րդ դասարանցի Արփի Սիմոնյանը, ակտիվ հարց ու պատասխանի համար, ստացավ Տիգրան ՊետրոսՅանցի «Էրատո» պատմավեպը:
Հանդիպման ավարտին Աիդա Կոծինյանը շնորհակալությու հայտնեց ընդունելության և մեկնաբանությունների համար:
Սյուզաննա Առաքելյան
Լուսանկարը՝ հեղինակի |