Շնորհավոր գիտելիքի, դպրության օր
ԲԱՐԻ ԳԱԼՈՒՍՏ ՍԻՐԵԼԻ ՈԻՍԱՆՈՂ
Սեպտեմբերի 2-ին Խաչատուր Աբովյանի անվան Մանկավարժական համալսարանը հանդիսավորությամբ դիմավորեց իր նոր ուսանողներին:
Հանդիսությանը մաս կազմեց նաև Համալսարանի գիտական գրադարանը: Գրադարանի հումանիտար գրականության ընթերցասրահում նախ առաջին կուրսեցիներին ընդունեց սկզբնական կրթության ֆակուլտետի ղեկավարությունը դեկան Հեղինե Խաչատրյանի գլխավորությամբ:
Հաջորդիվ այդ նույն տեղում առաջին կուրսեցիներին ընդունեց պատմության և իրավագիտության ֆակուլտետի ղեկավարությունը՝ դեկան Էդվարդ Հովհաննիսյանի գլխավորությամբ:
Երկու հավաքներին մասնակցեցին առաջին կուրսեցիների բազմաթիվ ծնողներ, հարազատներ:
Ֆակուլտետների ղեկավարները ողջունեցին առաջին կուրսեցիներին, բացատրեցին ուսանողներին ներկայացվող պահանջները, հաջողություն մաղթեցին առաջիկա ուսումնական գործընթացներում:
Սկզբնական կրթության ֆակուլտետի ութսունից ավելի առաջին կուրսեցիներ գրադարանի միջոցով նվեր ստացան Գերմանիայի Դաշնային Հանրապետության մասնավոր տնտեսական կազմակերպության /GIZ/ Հայաստանի ներկայացուցչության կողմից հրատարակած երկուական գիրք, իսկ պատմության և իրավագիտության ֆակուլտետի քառասունից ավելի առաջին կուրսեցիներից յուրաքանչյուրը՝ նույն կառույցի հրատարակած չորսական գիրք:
Լուսանկարը՝ Աննա Մարտիրոսյանի |