ՆԵՐԿԱՅԱՑՎԵՑ ԱՐՑԱԽԻ
ԷԼԵԿՏՐՈՆԱՅԻՆ ԳՐԱԴԱՐԱՆԸ
Նոյեմբերի 18-ին Խաչատուր Աբովյանի անվան Մանկավարժական համալսարանի գիտական գրադարանի հումանիտար գրականության ընթերցասրահում ներկայացվեց Արցախի երիտասարդ գիտնականների և մասնագետների միավորման ստեղծած Արցախի էլեկտրոնային գրադարանի կայքը:
Գիտական գրադարանի տնօրեն Տիգրան ՊետրոսՅանցը ներկայացրեց Արցախի երիտասարդ գիտնականների և մասնագետների միավորման նախագահ, կայքի հիմնադիր, իրավաբանական գիտությունների թեկնածու Ավետիք Հարությունյանին: Վերջինս հանգամանորեն ներկայացրեց կայքի հնարավորությունները, դրանից օգտվելու կանոնները, խոսեց հնչած առաջարկների մասին:
Գիտական գրադարանի տնօրեն Տիգրան ՊետրոսՅանցը Համալսարանի ղեկավարության անունից շնորհավորեց կայքի ծնունդը, հաջողություններ մաղթեց ապագա գործունեության ընթացքում:
Լուսանկարը՝ Սյուզաննա ԱռաքելՅանի |