Շ Ն Ո Ր Հ Ա Ն Դ Ե Ս
Խաչատուր Աբովյանի անվան Մանկավարժական համալսարանի գիտական գրադարանի հումանիտար գրականության ընթերցասրահում հունվարի 24-ին կայացավ Համալսարանի աշխարհագրության և նրա դասավանդման մեթոդիկայի ամբիոնի պրոֆեսոր Գևորգ Կարապետյանի 2019 թ-ին հրատարակված ԲՆԱԿԱՆ ԵՎ ՄԱՐԴԱԾԻՆ ԱՂԵՏՆԵՐԸ, ԴՐԱՆՑ ԱՌԱՋԱՑՄԱՆ ՊԱՅՄԱՆՆԵՐԸ, ԱՐՏԱՀԱՅՏՄԱՆ ՁԵՎԵՐԸ, ԿԱՌԱՎԱՐՄԱՆ ՀՆԱՐԱՎՈՐՈՒԹՅՈՒՆՆԵՐԸ մենագրության շնորհանդեսը:
Հեղինակի, մենագրության մասին խոսք ասացին Խաչատուր Աբովյանի անվան մանկավարժական համալսարանի կենսաբանության, քիմիայի և աշխարհագրության ֆակուլտետի դեկան, պրոֆեսոր Ռուզաննա Սադոյանը, հեղինակի համակուրսեցի, Երևանի պետական համալսարանի պրոֆեսոր Արամ Ավագյանը, Մանկավարժական համալսարանի շրջանավարտներ, Վանաձորի պետական համալսարանի դոցենտ Սասուն Բաղդասարյանը, Հայկական ճարտարապետաշինարարական համալսարանի դոցենտ Սամվել Կրոյանը, Խաչատուր Աբովյանի անվան համալսարանի դոցենտ Ներսես Սամվելյանը. ուսանողներ Շուշան Աբովյանը, Ոսկեհատ Սարիբեկյանը, Երանուհի Մանուկյանը, Արարատի մարզի Նարեկ համայնքի միջնակարգ դպրոցի աշխարհագրության ուսուցչուհի Սվետլանա Ֆարուխյանը:
Ելույթ ունեցողները բարձր գնահատեցին պրոֆեսոր Գևորգ Կարապետյանի մարդկային արժանիքները, ինպես նաև նրա գիտական գործունեությունը:
Շնորհակալական ջերմ խոսքով հանդես եկավ պրոֆեսոր Գևորգ Կարապետյանը:
Լուսանկարը՝ Աննա Մարտիրոսյանի |