Շնորհավոր
քո մայիսյան եռատոնը հայ ժողովուրդ
Անցյալ հարյուրամյակներում մենք շարունակ
կորցրել ենք` պետականություն, տարածք, վստահություն, հավատ՝ սեփական ուժերի հանդեպ: Հայոց Առաջին Հայրենական պատերազմը տվեցինք 1918 թվականի մայիսին Սարդարապատում, Ապարանում և կարողացանք հաղթել ու հիմնադրել Հայաստանի Առաջին Հանրապետությունը: Այն բարեփոխեց շարունակ կորուստներ կրածի, պարտությունների մեջ
բարոյական հաղթանակներ փնտրողի մեր հոգեբանությունը, մեզ
ազատագրեց պարտվողականի` հարյուրամյակներով մեր ուսերը ճնշող
ծանրությունից: Ավաղ, Առաջին Հանրապետությունը կարճ կյանք ունեցավ և 70 տարով ռազմակալվեց: Հայոց Երկրորդ Հայրենական պատերազմը մենք տվեցինք Արցախյան պատերազմով և այդ պատերազմում տարած Հաղթանակը դարձավ Հայաստանի Երկրորդ Հանրապետության կերտողը: Իսկ այդ պատերազմում, 1992 թվականի մայիսի 9-ին իրականացված Շուշի ազատագրումը մեր պատմության տարեգրության նոր ու հաղթական էջն էր:Մենք միշտ պիտի հիշենք մեծագույն հայի՝ Գարեգին Նժդեհի մարգարեական միտքը.
«Քանի դեռ սուրն է կառավարում աշխարհը, ձիթենու ճյուղով զինված լինելը
ծիծաղելի է եւ անմտություն: Ուժն է ծնում իրավունք: Ուժեղինն է Աշխարհը,
Հայրենիքը, Ազատությունը, ամեն ինչ…Ուզում ես փրկել՝ եղիր ուժեղ, քանզի
թույլերը բարեկամ չունեն աշխարհում: Իսկ ուժիդ ազատություն տալու համար
ցույց տուր երկու բան. առաջինը՝ որ գիտես մեռնել գիտակցված, իմաստալից
մահով, երկրորդ՝ գիտես մեռցնել»:
Տիգրան ՊետրոսՅանց
|
