Քայլեր դեպի ներառական կրթություն
22.02.2012
Փետրվարի 22-24-ը «Դեպի կրթություն բոլորի համար-3» ծրագրի
շրջանակներում մանկավաժական համալսարանի գիտական գրադարանի հումանիտար գրականության ընթերցասրահի գիտական կաբինետում անցկացվում են եռօրյա
դասախոսություններ: Այս օրերի ընթացքում ներկայացվելու է ներառական
դպրոցներում և մանկավարժական համալսարանում պրակտիկայի կազմակերպման
նրբությունները:
Ներկայումս շրջանառության մեջ է դրված
պրակտիկայի ծրագրում առկա բազմաթիվ մոտեցումներ, որոնք նպաստել են
ներառական կրթության գործընթացի արդիականացմանը: Սակայն անհրաժեշտություն է
լինում դրանք նորովի իմաստավորել և այդ գործընթացը իրականացնել առավել
համակարգված ու հստակ կանոնակարգված մեխանիզմներով:
Առաջարկվում
է նաև ուսումնառողների պրակտիկայի կազմակերպման գործընթացի
կատարելագործման ուղեցույց: Ուղեցույցը կազմել են կրթության հոգեբանության
և սոցիոլոգիայի ֆակուլտետի դեկան, հոգեբանական գիտությունների դոկտոր,
պրոֆեսոր Սրբուհի Գևորգյանը, նույն ֆակուլտետի դեկանի տեղակալ հոգեբանական
գիտությունների թեկնածու Լիդա Արամյանը, հոգեբանական գիտությունների
թեկնածու, դոցենտ Վահան Սարգսյանը:
Դասախոսություններին
մասնակցում են 2-րդ կիսամյակի պրակտիկայում ներառված մեթոդիստներ,
մանկավարժներ, հոգեբաններ, պրակտիկայի ղեկավարներ, որոնք ընտրվել են
համալսարանի 10 ֆակուլտետներից: