Ռուբեն Միրզախանյանը ՝ Եվրոպայի մանկավարժական համալսարանների ռեկտորների ընկերակցության անդամ
26.10.2012
Հոկտեմբերի 24-26-ը Պրահայում անցկացված Եվրոպայի մանկավարժական
համալսարանների ռեկտորների ընկերակցության վարչության նիստում որոշում
կայացվեց ընկերակցության
կազմում ընդգրկել երկու նոր անդամի՝ Խաչատուր Աբովյանի անվան հայկական
պետական մանկավարժական համալսարանի ռեկտոր Ռուբեն Միրզախանյանին եւ
Վարշավայի մանկավարժական համալսարանի ռեկտոր Յուլիանա Աուլեյտներային։ Ընկերակցության
վարչության նիստին մասնակցում էին եվրոպական 10 երկրների 15 բուհերի 21
ռեկտորներ կամ պրոռեկտորներ, դեկաններ եւ գիտական ինստիտուտների տնօրեններ։ Ընկերակցության
հիմնադիր նախագահ, Ուկրաինայի Դրագոմանովի անվան մանկավարժական
համալսարանի ռեկտոր, ակադեմիկոս Վիկտոր Անդրյուշչենկոն իր ելույթում
կարեւորեց Եվրոպայի մանկավարժական սահմանադրության ընդունումը եւ
ներկաներին հրավիրեց ներկայացված փաստաթղթի նախագծի վերաբերյալ հանդես գալ
առաջարկություններով եւ դիտողություններով։ Բովանդակային
քննարկումների արդյունքում որոշվեց մինչեւ 2013 թվականի մարտ ամիսը
ավարտել մանկավարժական սահմանադության վերջնական տարբերակի շուրջ
քննարկումները եւ մայիս ամսին Մայնի Ֆրանկֆուրտում կայանալիք
ընկերակցության համագումարում ներկայացնել հաստատման։ Վարչության նիստին ներկայացվեց նաեւ ընկերակցության նոր ամսագիրը՝ ՙԵվրոպական մանկավարժական ուսումնասիրությունները՚։
|