ՀՊՄՀ Գիտական գրադարանը` առաջատար
17.01.2014
ՀՀ մշակույթի նախարարությունը և Հայաստանի ազգային գրադարանը
հրատարակել են «Հայաստանի գրադարանները 2012» վիճակագրական տեղեկատուն,
որում ներկայացված են Հայաստանի հանրային հատվածի և բուհական գրադարանների
2012 թվականի տվյալները: Խաչատուր
Աբովյանի անվան հայկական պետական մանկավարժական համալսարանի գիտական
գրադարանը 15 պետական բուհերի գրադարանների ցանկում ընթերցողների թվով և
տացքով 1-ին տեղում է: Գրադարանը տարվա ընթացքում ունեցել է 16.805 ընթերցող և ապահովել է 2.398.181 տպագիր արտադրանքի տացք /շրջանառություն/: ՀՊՄՀ
Գիտական գրադարանի տնօրեն Տիգրան Պետրոսյանցը armspu.am-ի հետ զրույցում
նշեց, որ Մանկավարժականի գրադարանը հանրապետությունում լավագույններից
մեկն է. այն կատարում է նաև գրականության տացքի փոխանցում էլեկտրոնային
տարբերակով, իսկ առաջիկայում նախատեսվում է էլեկտրոնային բաժնի ստեղծում: Տիգրան
Պետրոսյանցը ուրախությամբ նկատեց` բուհի ուսանողներից զատ, գրադարանից
օգտվում են այլ բուհերի ուսանողներ ևս. «Ընթերցե´ք. գիրքն ու
ընթերցանությունը մեծագույն հարստություն են»,- հավելեց նա:
| 
