ՄԻՐԶԱԽԱՆՅԱՆ ՌՈՒԲԵՆ
ՄԻՐԶԱԽԱՆՅԱՆ ՌՈՒԲԵՆ ԿԱՌԼԵՆԻ /ծն. 23.06.1959 թ., Երևան/ հասարակական, քաղաքական, գիտական, մշակութային գործիչ, պատմական գիտությունների դոկտոր /15.04.2009 թ./, ՀՀ մշակույթի վաստակավոր գործիչ /26.05.2009 թ./:
1976 թ-ին ավարտել է Երևանի թիվ 114 միջնակարգ դպրոցը, 1981 թ-ին` գերազանցությամբ` Երևանի պետական համալսարանի պատմության ֆակուլտետը:
1980-1984 թթ-ին եղել է Երևանի թիվ 17 տեխնիկական ուսումնարանի ուսումնա-արտադրական վարպետ և քաղաքատնտեսության դասախոս:
1981 թ-ին նշանակվել է Երևանի Խաչատուր Աբովյանի անվան ՀՊՄՀ դասախոս: Դասավանդել է ,,Քաղաքական պատմություն,,, ,,Համաշխարհային մշակույթի պատմություն,,, ,,Հայ մշակույթի պատմություն,, առարկաները:
1990 թ-ին նշանակվել է մշակույթի ֆակուլտետի դեկան:
2010 թ-ի սեպտեմբերի 24-ին ՀՀ կրթության նախարարի հրամանով նշանակվել է ՀՊՄՀ ռեկտորի պաշտոնակատար:
1985 թ-ի հուլիսի 24-ին ստացել է պատմական գիտությունների թեկնածուի աստիճան, 1988 թ-ի հոկտեմբերի 25-ին` դոցենտի գիտական աստիճան:
1991-1996 և 1999-2003 թթ-ին եղել է Հայաստանի Ռամկավար ազատական կուսակցության ատենապետ: 1999 թ-ին եղել է ՀՀ Նախագահի քաղաքական խորհրդի անդամ:
2003 թ-ին նշանակվել է Հայաստանի Թեքեյան մշակութային միության վարչության նախագահ:
1995 և 1999 թթ-ին ընտրվել է Հայ Առաքելական Եկեղեցու Ազգային եկեղեցական ժողովի պատգամավոր, Համաշխարհային հայկական կոնգրեսի գլխավոր խորհրդի, ,,Ազգ,, օրաթերթի և ,,Պայքար,, ամսագրի հիմնադիր և խմբագրական խորհրդի անդամ է:
Արժանացել է Հայ Առաքելական Եկեղեցու բարձրագույն ,,Սուրբ Սահակ - Սուրբ Մեսրոպ,, պատվո շքանշանի /23.06.2009 թ./:
Չորս գրքի և 100 գիտական, գիտամանկավարժական և հրապարակախոսական հոդվածների հեղինակ է:
ԵՐԿԵՐ
1. Հանգրվան /հոդվածներ, ելույթներ, հարցազրույցներ/: Ե., 2001 թ., 356 էջ:
2. Հայաստանի 1953-1990 թթ. մշակութային կյանքի պատմության աղբյուրա-գիտությունը և պատմագիտությունը: Ե., 2008 թ., 36 էջ:
3. Մշակութային կյանքը Հայաստանում 1956-1966 թթ: Պատմական վերլուծություն: Ե., 2008 թ., 166 էջ:
4. Խորհրդահայ մշակույթը: 1956-1990 թթ.: Ե., 2009 թ., 354 էջ:
|