Չորեքշաբթի, 01.12.2021, 10:13
Ցանկ
Հարցումներ
Քանի տարեկան եք
Всего ответов: 12755
Օնլայն-Օֆլայն

Онлайн всего: 1
Гостей: 1
Пользователей: 0
Մուտքի ձև
free counters
Главная » 2014 » Փետրվար » 9 » ՀՊՄՀ ԳՐԱԿԱՆ ԱԿՈՒՄԲ
16:54
ՀՊՄՀ ԳՐԱԿԱՆ ԱԿՈՒՄԲ
ՀԵՐԹԱԿԱՆ ՀԱՆԴԻՊՈՒՄԸ
ԳԵՂԱՆԿԱՐԻՉ ՎԱՀԱՆ ՂԱՐԻԲՅԱՆԻ ԱՐՎԵՍՏԱՆՈՑՈՒՄ


Փետրվարի 8-ին Խաչատուր Աբովյանի անվան հայկական պետական մանկավարժական համալսարանի գիտական գրադարանի ՛՛Չորեքշաբթի՛՛ գրական ակումբն իր հերթական հանդիպումը գումարեց գեղանկարիչ Վահան Ղարիբյանի արվեստանոցում

Հանդիպման առաջին մասը պտույտ էր Երևան քաղաքում, հավաք մետրոպոլիտենի ՛՛Բարեկամություն՛՛ կայարանի մոտ, ապա ուղևորություն Մալաթիա-Սեբաստիա վարչական շրջան:
Ակումբի անդամների համար լուսանկարը հայ ազգի մեծագույն զավակներից մեկի, Ազգային ազատագրական շարժման ղեկավարներից Զորավար Անդրանիկի արձանի մոտ միշտ կհիշեցնի կյանքի այդ օրը:


Այստեղ էլ հանդիպեցին իրենց սպասող գեղանկարիչ Վահան Ղարիբյանին ու նրա հետ գնացին ու բարձրացան 9 հարկանի շենքի ձեղնահարկում գտնվող նկարչի արվեստանոցը:



Տիգրան ՊետրոսՅանցը մի քանի խոսքով ներկայացրեց գեղանկարիչ Վահան Ղարիբյանին:

 ԿԵՆՍԱԳՐՈՒԹՅՈՒՆԻՑ՝ Ծնվել է 1953 թ-ին, Բաթումի քաղաքում: Ավարտել է տեղի հայկական թիվ 1 միջնակարգ դպրոցը: 1970 թ-ին վերադարձել է Հայաստան ու հաստատվել Երևան քաղաքում: Շուրջ երկու տասնամյակ եղել է ՀԽՍՀ Նախարարների խորհրդի նկարիչը /եղել է նաև այդպիսի աշխատանքային հաստիք/: Բազում ձևավորման աշխատանքներ է իրականացրել Հայաստանի տարբեր կազմակերպություններում, ուսումնական հաստատություններում: Աշխատանքին զուգահեռ նկարել է: Ստեղծել է բազում կտավներ, որոնք նվիրված են հայ ժողովրդի պատմությանը և պատմության գրեթե բոլոր կարևորագույն դեմքերին: Նրա կտավները՝ ՛՛Հայկ Նահապետ՛՛, ՛՛Արտաշես աշխարհակալ՛՛, ՛՛Տիգրան Մեծ՛՛ /յոթ տարբեր հասակ/, ՛՛Արտավազդ՛՛, ՛՛Արշակ Մեծ՛՛, ՛՛Պապ թագավոր՛՛, ՛՛Ձիրավիի ճակատամարտ՛՛ ուղղակի գույների լեզվով ներկայացնում են հայ ազգի անցած ճանապարհի ուղեկիցներին՝ հայոց մեծերին: Առ այսօր ունեցել է 28 անհատական ցուցահանդես, որոնցից 4-ը Հայաստանից դուրս: Հայաստանի նկարիչների միության անդամ է:



Գեղանկարիչ Վահան Ղարիբյանը խոսեց իր աշխատանքի մասին, հատկապես շեշտեց, որ իր բոլոր հերոսներին ոչ միայն ուղղակի պատկերել է, այլ հոգով առընչվել է նրանց հետ ու պատկերել է նրանց այնպիսին, ինչպիսին տեսել է: Պատմեց Հունաստանի Լեզբոս կղզու ցուցահանդեսի մանրամասների մասին: Գեղանկարիչը կոչ արեց երիտասարդ ստեղծագործողներին իրենց ստեղծագործության հիմքում մշտապես ունենան մեր ազգի պատմությունը ու միշտ նյութ քաղել մեր պատմությունից:



Տիգրան ՊետրոսՅանցը
պահի կարևորությունը հաշվի առնելով կարդաց իր վերջերս գրած

''ՏԻԳՐԱՆԱԿԱՆ" պոեմի ''Տիգրան Մեծ'' հատվածը:


Գեղանկարիչ Վահան Ղարիբյանը ստորագրությամբ բոլոր ներկաներին նվիրեց իր կտավները պատկերող տպագրաթերթոններ, իսկ Տիգրան ՊետրոսՅանցին՝ իր ալբոմը՝ ՛՛Տիգրան Մեծի պատմաբան-գործակալ Տիգրան ՊետրոսՅանցին՝ Տիգրան Մեծի նկարիչ Վահան Ղարիբյանից՛՛ մակագրությամբ:



Ակումբի անդամները գեղանկարչին նվիրեցին գրքեր:

Օրվա կարևորությունը նշվեց հայկական կարմիր գինով որպես ձոն-կենաց հայ ազգին ու նրա ստեղծագործ զավակներին:


Հանդիպումից հետո ակումբի անդամներն այցելեցին վարչական տարածքի Զվարթնոցատիպ եկեղեցի և մոմավառությամբ հիշեցին Հայոց մեծերին և օրհնություն հղեցին նրանց հիշատակին:


Просмотров: 1230 | Добавил: Mankavarj | Рейтинг: 5.0/16
Всего комментариев: 0
Имя *:
Email *:
Код *:
Փնտրել
Օրացույց
«  Փետրվար 2014  »
ԵրկԵրքՉրքՀնգՈւբՇբԿր
     12
3456789
10111213141516
17181920212223
2425262728
Արխիվ
Block title
Block content
ԿԱՅՔԻ ՕՊԵՐԱՏՈՐ ԱՐՄԵՆ ԷԴՈՒԱՐԴԻ ՄԿՐՏՉՅԱՆ.e-mail-armen193@mail.ru© 2021 Хостинг от uCoz