10.12.2013 ՀՊՄՀ գիտական գրադարանի բնագիտատեխնիկական գրականության ընթերցասրահում տեղի ունեցավ ՀՊՄՀ կրթության հոգեբանության և
սոցիոլոգիայի ֆակուլտետի և սկզբնական կրթության ֆակուլտետի ուսանողական գիտական ընկերությունների կազմակերպած
համատեղ սեմինար «Ինչպե՞ս գրել գիտական հոդված» խորագրով, որը
վարում էր ՀՊՄՀ տարիքային և մանկավարժական հոգեբանության ամբիոնի վարիչ, դոկտոր-պրոֆեսոր Վլադիմիր Կարապետյանը: Սեմինարին մասնակցում էին ֆակուլտետների
ուսանողները, ներկա էին նաև կրթության հոգեբանության և սոցիոլոգիայի
ֆակուլտետի գիտության և հետբուհական կրթության գծով փոխդեկան Հակոբ Թադևոսյանը և սկզբնական կրթության ֆակուլտետի գիտության և հետբուհական կրթության գծով փոխդեկան Լուսինե Պողոսյանը:
Սեմինարի ընթացում ներկայացվեց, թե ինչպես պետք է գրել գիտական հոդված,
ինչպես պետք է ձևակերպել հետազոտության արդիականությունը, նպատակը, վարկածը
և դրանցից բխող խնդիրները: Ուսանողներին մանրամասն ներկայացվեց գիտական
հոդվածի կառուցվածքում առանձացվող նպատակ-խնդիր-վարկած շղթան, ինչպես նաև
հաստատողական կամ ժխտողական վարկածների տարբերակումը: Ուսանողների
հետ իրականացվեց նաև զրույց-քննարկում` կրթության որակի, կրթական
միջավայրի բարելավման, դասապրոցեսի կազմակերպման, ուսանողների
առաջադիմության, նրանց հետաքրքրությունների շուրջ: Նման
սեմինար-քննարկումները կրելու են շարունակական բնույթ: Նման սեմինարները
հնարավորություն են տալիս ապահովել հետադարձ կապ ուսանող-դասախոս
հարաբերություններում, վերհանել ուսանողության կարիքներն ու գտնել դրանց լուծման ուղիները:
Աղբյուրը՝ ՛՛ֆեյսբուքյան՛՛ էջ:
|