ՀԵՐԹԱԿԱՆԸ
26.10.2013
ՀՊՄՀ գիտական գրադարանի հումանիտար գրականության
ընթերցասրահի փոքր սրահում տեղի ունեցավ գրադարանի ՛՛Չորեքշաբթի՛՛ գրական
ստուդիայի հերթական հանդիպումը:
ՀՊՄՀ 4-րդ կուրսի ուսանողուհի Տիգրանուհի
Արշակյանը ներկայացրեց Նանա Մկրտչյանի արձակ ստեղծագործությունը: Ծավալված
քննարկմանը մասնակցեցին ստուդիայի բոլոր անդամները, խորհուրդներ տվեցին
Նանային: Վերջինս պատմեց այն հանգամանքների մասին, որ ծառայել են
ստեղծագործությունը գրելուն:
Իրենց ստեղծագործությունները
ներկայացրեցին ՀՊՄՀ ուսանողներ Լիլիթ Մարտիրոսյանը /Լիլիթ Պետրոս/,
Տիգրանուհի Արշակյանը, Արարատ Խաչատրյանը, Գոռ Բակոյանը, Լիլիթ Ավագյանը,
Գոհար Մարտիրոսյանը, Երևանի պետական համալսարանի ուսանողուհի Պայծառ
Միքայելյանը, բանաստեղծ Իշխան Բադալյանը:
Լիլիթ Պետրոսը կարդաց Վահան Թեքեյանի և Վահան Տերյանի բանաստեղծություններից, Գոհար Մարտիրոսյանը ներկայացրեց ՛՛Անի՛՛ երգը:
Հանդիպումն ամփոփեց ստուդիայի հիմնադիր Տիգրան ՊետրոսՅանցը:
|
