98-ՐԴ ՀԱՆԴԻՊՈՒՄԸ
Հիշողության լուսանկար
2015 թ-ի հունիսի 13-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց 98-րդ հանդիպումը:
Հանդիպումն այս անգամ այլ ընթացքով սկսվեց: Ակումբի անդամ Մարիամ Գրիգորյանի ծնունդն համընկել էր հանդիպման օրվա հետ: Եվ հանդիպումն սկսվեց ջերմ շնորհավորանքներով ու բաժակաճառերով: Տիգրան ՊետրոսՅանցը նշեց, որ Մարիամն առանձնահատուկ մարդ է և իր մեջ խտացնում է բազմամասնագետ անձի, որին հասու են և ստեղծագործելու /արձակ ստեղծագործություններ, նկարչություն/, և մասնագիտական լուրջ կարողություններ, ընկերասեր է, ընկերային, հասարակական միջավայրում բացարձակ ընդունելի: Մարիամին բարեմաղթանքներով, երգով, արտասանությամբ շնորհավորեցին Հրաչյա Հարությունյանը, Վահագն Մովսիսյանը, Իշխան Բադալյանը, Մարգարիտ Հովսեփյանը, Նանա Մկրտչյանը, Միշա Թադևոսյանը:
Տիգրան ՊետրոսՅանցը ներկայացրեց ակումբի նորեկ, ՀՊՄՀ բանասիրական ֆակուլտետի ուսանող Նարինեին:
Տիգրան ՊետրոսՅանցը, Իշխան Բադալյանը խոսեցին ստեղծագործությանը ներկայացվող պահանջների մասին:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Մհեր Խեչոյանը, Անուշավան Հովսեփյանը, Վահագն Մովսիսյանը, Մարգարիտ Հովսեփյանը, Հրաչյա Հարությունյանը, Իշխան Բադալյանը, Տիգրան ՊետրոսՅանցը: Բոլոր ստեղծագործությունների շուրջ ծավալվեց օգտակար քննարկում:
Հանդիպման «Մշակութային լուսանցք» բաժնում Վահագն Մովսիսյանը, Նանա Մկրտչյանը, Միշա Թադևոսյանը, Մարգարիտ Հովսեփյանը ներկայացրեցին մեկ տասնյակից ավելի երգեր:
Հանդիպումն ամփոփեց Տիգրան ՊետրոսՅանցը: |