Կիրակի, 25.07.2021, 06:14
Ցանկ
Հարցումներ
Որ ԲՈՒՀի ուսանող եք(եղել)
Всего ответов: 16448
Օնլայն-Օֆլայն

Онлайн всего: 1
Гостей: 1
Пользователей: 0
Մուտքի ձև
free counters
Главная » 2015 » Փետրվար » 1 » ՀՊՄՀ ԳԻՏԱԿԱՆ ԳՐԱԴԱՐԱՆԻ ԳՐԱԿԱՆ ԱԿՈՒՄԲ
16:25
ՀՊՄՀ ԳԻՏԱԿԱՆ ԳՐԱԴԱՐԱՆԻ ԳՐԱԿԱՆ ԱԿՈՒՄԲ

88-ՐԴ ՀԱՆԴԻՊՈՒՄ
ՀՅՈՒՐ ԷՐ ԿԱՐԵՆ ՄԱԹԵՎՈՍՅԱՆԸ

2015 թ-ի հունվարի 31-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց հերթական 88-րդ հանդիպումը:

Տիգրան ՊետրոսՅանցը նշեց, որ տարեկան աշխատանքային պլանի համաձայն «Չորեքշաբթի» գրական ակումբի հարկի տակ հյուրընկալել են պատմական գիտությունների դոկտոր, պրոֆեսոր Կարեն Մաթևոսյանին: Նա մի քանի նախադասությամբ ներկայացրեց Կարեն Մաթևոսյանին, ասաց, որ պատմաբանը Մանկավարժականի շրջանավարտ է, աշխատում է Հին ձեռագրերի ինստիտուտ-Մատենադարանում, որտեղ տարիներ առաջ աշխատել է իր հայրը, անվանի ձեռագրագետ Արտաշես Մաթևոսյանը:

Կարեն Մաթևոսյանը դասախոսություն կարդաց միջնադարյան Հայաստանի մայրաքաղաք Անիի մասին: Նրա խոսքն առավել արժեքավոր էր, քանի որ վերջին տարիներին երկու անգամ եղել էր Անիում և Անիի պահպանված կառույցների մասին խոսում էր ականատեսի սիրով և խոսքի ավարտին կոչ արեց, որ յուրաքանչյուր հայ պարտավոր է այցելել Անի ու դրանով հաստատել, որ այն հայկականության անբաժանելի մասն է: Խոսքի ընթացքում էկրանին ցուցադրվեցին Անիի մասին պատմող լուսանկարներ: Կարեն Մաթևոսյանը պատասխանեց ակումբի անդամների տարբեր հարցերի: Տիգրան Պետրոսյանցը կարդաց դասախոսությանը համահունչ «Անի» բանաստեղծությունը: Նա հյուրին նվիրեց իր «1000 հայազգի գեներալներ, ծովակալներ» գիրքը, իսկ Կարեն Մաթևոսյանը «Չորեքշաբթի» գրական ակումբին՝ իր «Հավուց թառի վանքը» գիրքը:

Տիգրան ՊետրոսՅանցը ներկայացրեց ակումբի նորեկներ Գոռ Վարդանյանին և Հմայակ Մկրտչյանին /ՀՊՄՀ պատմության և իրավագիտության ֆակուլտետի իրավագիտության հեռակա բաժնի ուսանողներ/:

Տիգրան ՊետրոսՅանցն ասաց, որ «Կրթություն» շաբաթաթերթի հունվարի 28-ի համարում տպագրվել է բանասիրական գիտությունների դոկտոր Լալիկ Խաչատրյանի «Գրական նոր ժողովածուի ծնունդը» գրախոսությունը «Չորեքշաբթի Ա» հատորի մասին: Նա կարդաց գրախոսության վերջին մասը. «Չորեքշաբթի» գրական ժողովածուն մի հարկի տակ է հավաքել երիտասարդ ստեղծագործողների մի ամբողջ աստղաբույլ: Մանկավարժական համալսարանի գիտական գրադարանում ստեղծվելով որպես գրական ստուդիա՝ «Չորեքշաբթին» դարձավ նաև նկարիչների ու երաժիշտների հանդիպման վայր և աստիճանաբար վերածվեց գրական ակումբի: Սույն ժողովածուն գրական ակումբի առաջին արգասիքն է, որ խոստումնալից սկիզբ է ազդարարում: Ուրեմն՝ բարի երթ մաղթենք «Չորեքշաբթի Ա» գրական ժողովածուին, բարի երթ մաղթենք «Չորեքշաբթի» գրական ակումբի անդամներին իրենց ոգորումների ճանապարհին»: Տիգրան ՊետրոսՅանցը շնորհակալության խոսք ուղղեց Լալիկ Խաչատրյանին՝ «Չորեքշաբթի» գրական ակումբի աշխատանքը գնահատելու համար:

Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Վահագն Մովսիսյանը /«Մանկության երազ», «Դավիթ բեկ»/, Գայանե Ղազարյանը /«Ուզում եմ դու էլ ինձ նման»/, Միխայիլ Շահինյանը /«Գուցե ասեք»/, Մարիամ Գրիգորյանը /«Մենք»/, Գոռ Վարդանյանը /«Երկնքից ներքև»/, Հմայակ Մկրտչյանը /«Ուրբաթ գիշեր», «Անվերնագիր»/, Ռուզան Սարգսյանը /«Անքնություն»/, Վիկտոր Եփրեմյանը /«Անի»/, Ալվարդ Հարությունյանը /«Ես կուզեի»/, Քնարիկ Հովհաննիսյանը /«Հուշի ծվեն»/, Մարգարիտ Հովսեփյանը /«Անապատի արևը»/, Իշխան Բադալյանը /«Սուրբ Սարգիս», «Երկնքի ձայնը», «Դու ես հայրը հոգիների», «Քառյակ»/, Հրաչյա Հարությունյանը /«Փառաբանություն Հիսուս Քրիստոսին»/, Արմեն Ջորջը /«Հայաստան»/: Բոլոր ստեղծագործությունների շուրջ ծավալվեց օգտակար քննարկում:

Հանդիպման «Մշակութային լուսանցք» բաժնում Նանա Մկրտչյանը կարդաց Վահան Տերյանի «Մի խառնեք մեզ ձեր վայրի, արջի ցեղերին» բանաստեղծությունը: Վահագն Մովսիսյանը կատարեց իր հեղինակային մի երգ և մի քանի այլ երգեր, Հմայակ Մկրտչյանը իր հեղինակային «Զարթնիր առյուծ» երգը և մի քանի այլ երգ, Ռուզան Սարգսյանը «Կարինե» օպերայից մի երգ և մի շարք այլ երգեր, Մարիամ Գրիգորյանը վերապատմեց պապից լսած «Թագավորի աղջիկը» պատմությունը, Արմեն Ջորջը կատարեց «Արագիլ», Իշխան Բադալյանը «Հորովել» երգերը, ցուցադրվեց Հրաչյա Հարությունյանի երգի տեսահոլովակ:

Տիգրան ՊետրոսՅանցը խոսեց մարտի 22-ին Գուրգեն Յանիկյանի 120-ամյակին նվիրված միջոցառման մասին և ցուցադրվեց այդ օրվա համար գրված «Ձեզնով սկսվեց» երգի տեսահոլովակը:

Հանդիպումն ամփոփեց Տիգրան ՊետրոսՅանցը:

Просмотров: 698 | Добавил: Mankavarj | Рейтинг: 5.0/1
Всего комментариев: 0
Имя *:
Email *:
Код *:
Փնտրել
Օրացույց
«  Փետրվար 2015  »
ԵրկԵրքՉրքՀնգՈւբՇբԿր
      1
2345678
9101112131415
16171819202122
232425262728
Արխիվ
Block title
Block content
ԿԱՅՔԻ ՕՊԵՐԱՏՈՐ ԱՐՄԵՆ ԷԴՈՒԱՐԴԻ ՄԿՐՏՉՅԱՆ.e-mail-armen193@mail.ru© 2021 Хостинг от uCoz