Նելլի Սահակյան
ԱՂՈԹՔ
Շուրթերս մի աղոթք, մի աղոթք շշնջաց,
Հոգուս սուր այս ցավից լոկ հավատս մնաց,
Խաչիդ մոտ ծնկաչոք արցունքոտ աչքերով
Հայացքս վեր հառած խոսում եմ աղոթքով:
Խռոված աշխարհից եկել եմ, Տեր, քեզ մոտ
Զավակդ եմ մեղավոր, որ կանգնած է Հոր մոտ
Արցունքի կաթիլը սառել է կոպերիս
Ներում եմ խնդրում ես իմ բոլոր մեղքերիս:
Տառապող հայացքս, տես, խաչին է նայում,
Ու վառվող մոմերից հույսի շող է խնդրում,
Լույս առավոտն այս օրհնել եմ ուզում,
Հավատիս մեծ ծովում երազներս են լողում:
Ոտքերիդ փարվելով անարժանս այսօր
Խնդրում եմ, որ չարից փրկես ինձ ամեն օր…
Շուրթերս մի աղոթք, մի աղոթք շշնջաց
Ու խոսուն հայացքս սուր ցավից խոր տնքաց,
Լույս հայացքդ շոյեց ու խաչիդ պատկերով
Ինձ քո գիրկը տարար սուրբ ներումդ տալով… |