ՀԵՐԹԱԿԱՆ ՀԱՆԴԻՊՈՒՄԸ
Մայիսի 31-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական հանդիպումը:
Տիգրան Պետրոսյանցը շնորհավորական խոսք ասաց ակումբի անդամներ Անի Կարեյանին և Տաթև Մելքոնյանին Երևանի պետական համալսարանի և ՀՊՄՀ բակալավրական ծրագիրը հաջողությամբ ավարտելու առթիվ և մաղթեց, որ նրանք շարունակեն ուսումը մագիստրոսական ծրագրով և կյանք մտնեն հարուստ գիտելիքներով:
Առաջին անգամ ստեղծագործություն ներկայացրեցին նորեկներ՝ ՀՊՄՀ բանասիրական ֆակուլտետի 2-րդ կուրսեցի Քնարիկ Հովհաննիսյանը և սկզբնական ֆակուլտետի 1-ին կուրսեցի Անահիտ Ադամյանը:
Իրենց նոր ստեղծագործություններից կարդացին նաև ՀՊՄՀ ուսանողներ Մադոննա Մարտիրոսյանը, Միշա Թադևոսյանը, Աշխեն Մելիքյանը, Լիան Մանուկյանը, «Չորեքշաբթի» գրական ակումբի անդամ Գայանե Գենջոյանը:
Հանդիպման ավարտին Սրմենուհի Սումբուլյանը /ՀՊՄՀ/ և Նվարդ Մելիքյանը /ԵՊՀ/ կատարեցին Արմինե Հայրապետյանի մեկ երգ:
Հանդիպումն ամփոփեց Տիգրան ՊետրոսՅանցը: |
