Դեկտեմբերի 27-28-ին կայացան ՀՀ Գիտությունների ազգային ակադեմիայի անդամների եւ թղթակից-անդամների ընտրութիւններ: Գրականութեան գծով թղթակից-անդամության թեկնածուները լուրջ պայքարի մէջ էին: Հավաքելով 18 միավոր` Խաչատուր Աբովյանի անվան ՀՊՄՀ հայ գրականության և նրա դասավանդման մեթոդիկայի ամբիոնի վարիչ, պրոֆեսոր, բանասիրական գիտությունների դոկտոր Աելիտա Դոլուխանյանը համոզիչ առավելության հասավ իր մրցակիցների նկատմամբ եւ դարձավ ՀՀ ԳԱԱ թղթակից-անդամ: Նա Խաչատուր Աբովյանի անվան ՀՊՄՀ վեցերորդ շրջանավարտն է, որ դարձավ Հայոց գիտական կաճառի անդամ:
     Գիտնական մանկավարժը հայտնի է հին գրականության մասին ուշագրավ հրատարակություններով, նրա գիտական կայուն հետաքրքրությունների ծիրում են հայագետների աշխատանքները, որոնց մասին մենագրությունները հագեցած են վերլուծական-ճանաչողական խորքով:
     ՀՊՄՀ գիտական գրադարանի կոլեկտիվի կողմից սրտագին շնորհավորանքներ:

Ի դիմաց գրադարանի կոլեկտիվի Տիգրան Պետրոսյանց