17.01.2011 թ.
ՀՊՄՀ գիտական գրադարանը հրատարակել է ,,Հիշարժան տարեթվեր 2011,, տեղեկատուն:
Ինչպես ,,Հիշարժան տարեթվեր 2010,, տեղեկատուում, այստեղ ևս ներկայացվել են ՀՊՄՀ պրոֆեսորա-դասախոսական կազմի, վարչապարատի աշխատակիցների, անվանի շրջանավարտների 50, 55, 60, 65, 70, 75, 80, 85, 90, 95, 100-ամյակներ ունեցող հոբելյարների անունները:
Առանձին ներկայացված են նաև սպասարկման բնագավառի և այլ ծառայությունների հոբելյան ունեցողների անունները:
Օրինակ, 2011 թվականին լրանալու է դոկտոր-պրոֆեսոր Դմիտրի Նազարյանի 75, պրոֆեսոր Զեմֆիրա Երիցյանի, դոցենտներ Շողիկ Ոսկանյանի, Հրաչյա Ասմարյանի, Ռոբերտ Դաշյանի, Շիրին Մարտիրոսյանի, գործավար Նելլի Ավետիքյանի, հյուսն Սպարտակ Սանթրոսյանի 70, ՀՊՄՀ նախկին ռեկտոր, ՀՀ ԳԱԱ ակադեմիկոս, ՀՊՄՀ պատվավոր պրոֆեսոր Գևորգ Բաղդասարյանի, ՀՊՄՀ շրջանավարտներ, բանաստեղծ Արամայիս Սահակյանի 75, Արցախյան ազատամարտի մասնակիցներ, Հայաստանի Ազգային հերոս Մովսես Գորգիսյանի, ՀՀ և ԼՂՀ Մարտական խաչ 1-ին աստիճանի շքանշանների ասպետ Մեխակ Մեխակյանի 50-ամյակները:
Տեղեկատուն ներկայացնում է մոտ 150 հոբելյարի անուն, նկարազարդ է:
ՀՊՄՀ այս տեղեկատուն ՀՀ Ազգային գրադարանի, Խնկո Ապոր անվան գրադարանի ,,Հիշարժան տարեթվեր,, տեղեկատուներից հետո երրորդն է, ներբուհական կյանքում` առաջինը:
Տեղեկատուն նույն վերնագրով տեղադրված է գրադարանի mankavarzh.do.am կայքի ,,Հաշվետվություն,, բաժնում: