Երեքշաբթի, 13.04.2021, 03:35
Ցանկ
Հարցումներ
Քանի տարեկան եք
Всего ответов: 12743
Օնլայն-Օֆլայն

Онлайн всего: 1
Гостей: 1
Пользователей: 0
Մուտքի ձև
free counters
Главная » 2016 » Ապրիլ » 20 » ՀԱՅՐԵՆԱՍԻՐԱԿԱՆ
15:06
ՀԱՅՐԵՆԱՍԻՐԱԿԱՆ

Հ ա յ ր ե ն ա ս ի ր ա կ ա ն 
«ԵՐԲԵՔ ՉԵՆՔ ՄՈՌԱՆԱ»

Հայոց Ցեղասպանության 101-րդ տարելիցի նախօրյակին Խաչատուր Աբովյանի անվան հայկական պետական մանկավարժական համալսարանի գիտական գրադարանի հումանիտար գրականության ընթերցասրահում բացվել է Ցեղասպանությանը նվիրված գրքերի ցուցադրություն՝ «ԵՐԲԵՔ ՉԵՆՔ ՄՈՌԱՆԱ» խորագրով: Ցուցադարակներին ներկայացված են թե խորհրդային տարիներին Հայաստանում եւ աշխարհի այլ պետություններում, թե Հայաստանի անկախացումից հետո Հայաստանում եւ այլուր տպագրված ավելի քան 230 գիրք:

Կենտրոնական ցուցադարակում ներկայացված են անվանի գիտնականներ Ջոն Կիրակոսյանի «Երիտթուրքերը պատմության դատի առջեւ» /հայերեն, ռուսերեն/, Մկրտիչ Ներսիսյանի եւ Ռուբեն Սահակյանի կազմած «Հայերի Ցեղասպանությունը Օսմանյան կայսրությունում» փաստաթղթերի եւ նյութերի ժողովածուն /հայերեն, ռուսերեն/, Ստեփան Պողոսյանի «Հայոց Ցեղասպանության պատմություն» /եռահատոր/, Վերժինե Սվազլյանի «Հայոց Ցեղասպանություն. ականատեսների վկայություններ», «Հայոց Ցեղասպանություն եւ պատմական հիշողություննր» /հայերեն եւ չորս օտար լեզուներով/, Ալբերտ Իսոյանի «Սեւ գիրք» /հայերեն, ռուսերեն/ գրքերը:

Առանձին ցուցադարակով ներկայացված են Հայաստանի Ազգային արխիվի հրատարակած «Հայոց Ցեղասպանությունը Օսմանյան Թուրքիայում. վերապրածների վկայությունների փաստաթղթերի ժողովածու ըստ Պատմական Հայաստանի նահանգների» գիրքը /եռահատոր/, Ավագ Հարությունյանի կազմած «Հայոց Ցեղասպանություն» ծանրակշիռ մատենագիտությունը:

Թեմատիկ դարակներով ցուցադրված են Հայոց Ցեղասպանության ինստիտուտ-թանգարանի հրատարակած հատորները, Հայոց Ցեղասպանությունը ճանաչած պետություններին վերաբերող գրքեր:

Ներկայացված են թեմային նվիրված տասնյակ հեղինակների մենագրություններ, հիշողություններ: Դրանց թիվն անցնում է հարյուրից:

Առանձին ցուցադարակով ներկայացված են հայ եւ օտար գրողների Ցեղասպանությանը նվիրված գեղարվեստական գործեր: Ներկայացված են Եղիշե Չարենցի, Գուրգեն Մահարու, Պարույր Սեւակի, Զարզանդ Դարյանի, Սերո Խանզադյանի, Ստեփան Ալաջաջյանի, Բոգդան Վերդյանի, Հմայակ Մկրտչյանի եւ ուրիշների վիպական պատումները, Ֆրանց Վերֆելի «Մուսա լեռան քառասուն օրը» վեպը /հայերեն, ռուսերեն/:

Այս շարքում նորույթ է Նարեկ Սուքիասյանի կազմած «Հայոց Եղեռնի քրեստոմատիա» ժողովածուն, որտեղ ընդգրկված են Ցեղասպանության ենթարկված գրողների եւ Ցեղասպանության մասին գրած հայ գրողների ստեղծագործություններ:

Ցուցադրությունը խիստ ուսուցողական է և ունի հայրենասիրական դաստիարակության նպատակ:

Просмотров: 845 | Добавил: Mankavarj | Рейтинг: 5.0/1
Всего комментариев: 0
Имя *:
Email *:
Код *:
Փնտրել
Օրացույց
«  Ապրիլ 2016  »
ԵրկԵրքՉրքՀնգՈւբՇբԿր
    123
45678910
11121314151617
18192021222324
252627282930
Արխիվ
Block title
Block content
ԿԱՅՔԻ ՕՊԵՐԱՏՈՐ ԱՐՄԵՆ ԷԴՈՒԱՐԴԻ ՄԿՐՏՉՅԱՆ.e-mail-armen193@mail.ru© 2021 Хостинг от uCoz