ՀԱՅՐԵՆԱՍԻՐՈՒԹՅՈՒՆ ԱՌԱՋԻՆ ԿՈՒՐՍԻՑ - 2

Մայիսի 15-ին Խաչատուր Աբովյանի անվան հայկական պետական մանկավարժական համալսարանի սկզբնական կրթության ֆակուլտետի մանկավարժություն և մեթոդիկա /տարրական կրթություն/ բաժնի 1-ին կուրսեցիների երկրորդ խումբը հայ ժողովրդի պատմության դասախոս, պատմական գիտությունների թեկնածու Արմինե Եփրիկյանի գլխավորությամբ ներկայացրեցին իրենց գիտելիքները Արցախյան ազատամարտի մասին: 
Երեք Շուշանները /Ստեփանյան, Սահակյան, Վարդանյան/, երկու Աննաները /Գինոսյան, Ավագյան/, երկու Մարիամները /Հարությունյան, Մանուկյան/, երկու Քրիստինեները /Խաչատրյան, Սիմոնյան/, Լուիզա Մարտիրոսյանը, Սոնա Ասատրյանը, Լուսինե Սաֆարյանը, Հրաչուհի Զոհրաբյանը, Մանյա Խաչատրյանը, Լիլիթ Խաչատրյանը, Անի Գասպարյանը, Իրինա Պողոսյանը, Վարդուհի Գրիգորյանը, Տաթև Մարգարյանը, Լեյլի Ավագյանը, Ադրինե Չիբուխչյանը, Հռիփսիմե Մանուկյանը, Արևիկ Կոստանյանը, Սաթենիկ Ավետիսյանը ներկայացրեցին Արցախյան ազատամարտի տարեգրությունը /դրանց նախորդող իրավիճակները ու դրա հետևանքով ծագած պատերազմը, այդ պատերազմում հայ զինվորների, սպաների հերոսական գործողությունները և դրա արդյունքում Հայաստանի և Արցախի Հանրապետությունների ծնունդը/: 
Ուսանողները թատերական փոքրիկ ներկայացում իրականացրեցին պատերազմական թեմայով, որտեղ հիմնական դերակատարը Ավո-Մոնթե Մելքոնյանն ու իր ընկերներն էին: Գովեստի էին արժանի կատարած երգը և պարը:
Առաջին կուրսի ուսանողներին և դասախոս Արմինե Եփրիկյանին գովեստի խոսքեր ուղղեցին և հաջողություն մաղթեցին գիտական գրադարանի տնօրեն Տիգրան ՊետրոսՅանցը, հայ ժողովրդի պատմության ամբիոնի դասախոսներ Էդիկ Պողոսյանը, Ավետիք Հարությունյանը:
Հայոց բանակի բարձրագույն զինվորական կոչում ունեցող սպաներին թվարկած ուսանողուհի Շուշան Ստեփանյանն արժանացավ Տիգրան ՊետրոսՅանցի «1000 հայազգի գեներալներ, ծովակալներ» գրքին: