ԲԱՑՎԵՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԻՄՆԱԴԻՐ 
ԱՐԱՄ ՄԱՆՈՒԿՅԱՆԻ ԱՐՁԱՆԸ

Հուլիսի 17-ին Երևանի կենտրոնում, մետրոյի Հանրապետություն հրապարակ կանգառի աջակողմյան աստիճանավանդակի վրա, բացվեց Արամ Մանուկյանի արձանը:
Ապագային թողնելով արձանին տրվելիք գնահատականը, այս պահին արձանագրենք, որ Արամ Մանուկյանի արձանի բացումով պատմական ճեղքում կատարվեց նրա անձի շուրջ եղած լռության պատնեշում:
Հուսանք, որ սրան կհետևի

 
1. Արամ Մանուկյանի մասունքների տեղափոխությունը Թոխմախի գերեզմանոցի ծակուռից, ուրիշի /Հարությունյաններ/ տապանատնից իր նախնական հուղարկավորության վայրը՝ Կոմիտասի այգու Պանթեոն, որտեղ պետության հիմնադրի մարմինը հուղարկավորվել է 1919 թվականին, որտեղից կոմունիստական տականքները նրա դագաղը նախ տեղափոխել են Կոզեռնի գերեզմանոց, ապա՝ Թոխմախի գերեզմանոց՝ հայության հիշողությունից նրա անունը ջնջելու նպատակով:

2. Արամի փողոցի վրա գտնվող նրա տունը, որտեղ ապրել է 1917-1919 թվականներին, հայտարարվի երկրի կարևորագույ վայրերից մեկը, վերակառուցվի և վերածվի Արամ Մանուկյանի հիշատակի թանգարանի:

Տիգրան ՊետրոսՅանց
Լուսանկարները՝ Տաթև Ենոքյանի