ՀԱՆԴԻՊՈՒՄ
Սեպտեմբերի 14-ին, ժամը 12.00-ին ՀՊՄՀ գիտխորհրդի դահլիճում դասախոսների և ուսանողների հետ հանդիպեց հայ ժողովրդի մեծ բարեկամ, հայագետ, թարգմանիչ, Հայաստանում Ուկրաինայի արտակարգ և լիազոր դեսպան Ալեքսանդր Բոժկոն: Նրան ներկայացրեց ՀՊՄՀ պրոռեկտոր Լավրենտի Միրզոյանը: Ալեքսանդր Բոժկո մարդուն, հայագետին նվիրված ջերմ խոսք ասաց բանասիրական ֆակուլտետի դեկան Մարտին Գիլավյանը: Իր հայկական ,,կողմնորոշման,, մասին պատմեց օրվա հյուրը: Նա նաև պատասխանեց իրեն տրված հարցերին: Ի նշան հարգանքի` ՀՊՄՀ կողմից նրան հանձնվեց նվեր-գեղանկար:
Հանդիպումը շարունակվեց ՀՊՄՀ գիտական գրադարանում: Այստեղ հյուրը ծանոթացավ գրադարանի պահոցներում գտնվող ,,ուկրաինական,, գրքերի ցուցահանդեսին: Երեք տասնյակից ավելի ուկրաինացի հեղինակների գրքեր էին ներկայացված: Այդտեղ կային նաև Ալեքսանդր Բոժկոյի և իր տիկնոջ թարգմանությամբ հրատարակված գրքեր: Այնուհետև գրադարանի տնօրեն Տիգրան Պետրոսյանցը հյուրին ծանոթացրեց ՀՊՄՀ պատմությունն արտացոլող ,,Գրքի թանգարանի,, ցուցանմուշներին: Վերջում գրադարանի տնօրենը Բոժկոյին նվիրեց գրադարանի պատրաստած ,,Ալեքսանդր Բոժկո. գնում է` մնալով,, լուսանկարային պլակատը:
|