ՄԵԾ ԵՐԳԱՀԱՆԸ ՊԱՐԳԵՎԱՏՐՎԵՑ
,,ԽԱՉԱՏՈՒՐ ԱԲՈՎՅԱՆ,, ՄԵԴԱԼՈՎ
22.10.2010 թ.
ՀՊՄՀ ղեկավարության, համալսարանի մշակույթի կենտրոնի նախաձեռնությամբ ՀՊՄՀ կուլտուրայի ֆակուլտետի դահլիճում հանդիպում կազմակերպվեց հանրապետության ժողովրդական արտիստ, երգահան Տիգրան Մանսուրյանի հետ:
Նրան ներկայացրեց համալսարանի մշակույթի կենտրոնի տնօրեն Արկադի Շեկունցը:
Երգահանն իր խոսքում նշեց, որ տարիներ առաջ կուլտուրայի ֆակուլտետի այն ժամանակի դեկան Կառլեն Միրզախանյանի հրավերով դասախոսել է ֆակուլտետում և ,,...այդ տարիներն առ այսօր իր հպարտությունն են...,,:
ՀՊՄՀ ռեկտորի պաշտոնակատար Ռուբեն Միրզախանյանը ՀՊՄՀ գիտխորհրդի որոշմամբ անվանի երգահանին պարգևատրեց համալսարանի բարձրագույն` ,,Խաչատուր Աբովյան,, մեդալով և հրավիրեց համալսարանում վարպետության դասեր պարապելու:
ՀՊՄՀ երգչախումբը խմբավար Իրինա Հովսեփյանի ղեկավարությամբ կատարեց Տիգրան Մանսուրյանի ստեղծագործություններից:
Սեփական լրատվություն
| 
