ՀՊՄՀ-ն ամենալավը կպատրաստի կադրեր
Հոկտեմբեր 20, 2011
Խաչատուր Աբովյանի անվան հայկական պետական մանկավարժական
համալսարանում են գտնվում Ֆինլանդիայի Օուլուի համալսարանի 11 փորձագետներ,
որոնք աշխատում են 47 հայ գործընկերների հետ: Նրանցից 35-ը մանկավարժական
համալսարանի դասախոսներ են, 12-ը՝ ՀՀ բարձրագույն ուսումնական տարբեր
հաստատությունների, այդ թվում ՝ ՀՊՄՀ կոնսորցիումի անդամ բուհերից՝ Գորիսի,
Գավառի եւ Գյումրիի համալսարաններից հրավիրված մասնագետներ:
Համաշխարհային Բանկի տրամադրած դրամաշնորհային ծրագրի շրջանակում, ՀՀ
կրթության եւ գիտության նախարարության եւ ծրագրերի իրականացման
գործակալության հետ միասին մշակվել էր ծրագիր, ըստ որի՝ ՀՊՄՀ-ն ստացել է
հնարավորություն, ընտրելու գործընկեր եւ այդ գործընկերը Ֆինլանդիայի
Օուլուի համալսարանն է: Այն հայտնի է, որպես ոչ միայն Ֆինլանդիայում, այլեւ
Եվրոպայում, որպես լավագույն մանկավարժական կադրեր պատրաստող բուհերից
մեկը: 2011 թվականի մայիսին Օուլուի համալսարանի փորձագետները ճանաչողական
այց էին կատարել ՀՊՄՀ, որից հետո, այս շաբաթն անցկացրին մանկավարժական
կադրեր պատրաստող Հայաստանի համալսարանում:
Ֆին մասնագետները տեղացի փորձագետներին են փոխանցում այն փորձը, որն
այսօր պահանջվում է որպես եվրոպական չափանիշ: 2011 թվականի հոկտեմբերից
մինչեւ 2013 թվականի հունվարը նախատեսված ծրագրի շրջանակում կլինեն
պարբերաբար հանդիպումներ, կքննարկվեն գաղափարներ, կմշակվեն ծրագրեր:
Նախատեսված է բարեփոխել ոչ միայն բուն ուսումնական գործընթացը,
գիտաուսումնական պլանները, առարկայական ծրագրերը, այլեւ ՀՊՄՀ կառավարման
համակարգը, ֆինանսական, ռեսուրսային, նյութատեխնիկական, ստեղծվելու է
կարիերայի կենտրոն, ավելի խորքային են ուսումնասիրվելու որակի ապահովման
գործընթացը: Հայ մասնագետների վերապատրաստման արդյունքում ՀՊՄՀ-ն պետք է
դառնա առաջնային բուհ՝ ուսուցիչների որակավորման եւ վերապատրաստման
հարցերում: http://www.a1plus.am/am/social/2011/10/20/finland
«ԱԶԳ» ՕՐԱԹԵՐԹ #188, 21-10-2011ՀՊՄՀ-Ն ԿԴԱՌՆԱ ԱՌԱՋՆԱՅԻՆ ԲՈՒՀ
ՈՒՍՈՒՑԻՉՆԵՐԻ ՎԵՐԱՊԱՏՐԱՍՏՄԱՆ ՀԱՐՑԵՐՈՒՄ Այս
օրերին Խաչատուր Աբովյանի անվան հայկական պետական մանկավարժական
համալսարանում են Ֆինլանդիայի Օուլուի համալսարանի 11 փորձագետներ, որոնք
աշխատում են իրենց հայ 47 գործընկերների հետ: Նրանցից 35-ը մանկավարժական
համալսարանի դասախոսներ են, մյուս 12-ը ՀՀ բարձրագույն ուսումնական տարբեր
հաստատությունների, այդ թվում ՀՊՄՀ կոնսորցիումի անդամ բուհերի` Գորիսի,
Գավառի եւ Գյումրիի համալսարաններից հրավիրված մասնագետներ: Համաշխարհային
բանկի տրամադրած դրամաշնորհային ծրագրի շրջանակում ՀՀ կրթության եւ
գիտության նախարարության եւ ծրագրերի իրականացման գործակալության հետ
միասին, մշակվել էր ծրագիր, ըստ որի ՀՊՄՀ-ն ստացել է հնարավորություն`
ընտրելու գործընկեր, եւ այդ գործընկերը դարձել է Ֆինլանդիայի Օուլուի
համալսարանը: Այն հայտնի է որպես ոչ միայն Ֆինլանդիայի, այլեւ Եվրոպայի
լավագույն մանկավարժական կադրեր պատրաստող բուհերից մեկը: 2011 թվականի
մայիսին Օուլուի համալսարանի փորձագետները ճանաչողական այց կատարեցին ՀՊՄՀ,
որից հետո այս շաբաթ նրանք անցկացրին Հայաստանի մանկավարժական կադրեր
պատրաստող համալսարանում: Ֆին մասնագետները տեղացի
փորձագետներին են փոխանցում այն փորձը, որ այս պահին մանկավարժական
կրթության տեսակետից պահանջվում է եվրոպական չափանիշներով: 2011 թվականի
հոկտեմբերից մինչեւ 2013 թվականի հունվարը նախատեսված ծրագրի ընթացքում
պարբերաբար հանդիպումներ կլինեն, գաղափարներ ու ծրագրեր կմշակվեն: Հոկտեմբերի
17-ին մեկնարկած առաջին փուլի աշխատանքները կավարտվեն հոկտեմբերի 21-ին:
Ֆին փորձագետների երկրորդ այցը նախատեսվում է 2011 թվականի դեկտեմբերին: Հայ
մասնագետները համապատասխան թրենինգներն անցնելուց հետո իրենք կդառնան
տեղական փորձագետներ, եւ կարող են իրենց աշխատանքով ներդրում ունենալ
տարբեր բուհերում եվրոպական չափանիշների ներմուծման հարցում: |