«ԱԶԳ» ՕՐԱԹԵՐԹ #121, 01-07-2011
| ԳԻՏԱԿԱՆ ԼԱԲՈՐԱՏՈՐԻԱՆԵՐ | Տեղադրվել է` 2011-07-01 00:00:07 (GMT +04:00) |
ՄԱՆԿԱՎԱՐԺԱԿԱՆ ՀԱՄԱԼՍԱՐԱՆՆ ՈՒ ՄԵՑԻ ՀԱՄԱԼՍԱՐԱՆԸ ՀԱՄԱԳՈՐԾԱԿՑՈՒՄ ԵՆ Ի. Պ. Երեկ
Հայկական պետական մանկավարժական համալսարանում կնքվել է պայմանագիր
Մանկավարժական համալսարանի ու ԳԱԱ-ի Ֆիզիկական հետազոտությունների
ինստիտուտի միջեւ: Պայմանագրի համաձայն` այսուհետեւ մանկավարժական
համալսարանն աճեցնելու է արհեստական բյուրեղներ եւ Ֆրանսիայի Մեցի
համալսարանի հետ Մանկավարժական համալասարանը ստեղծելու է լաբորատորիա: Մեցի
համալսարանի պրոֆեսոր Միշել Ալիերի փոխանցմամբ` լաբորատորիայի ստեղծումն
ու արհեստական բյուրեղներ աճեցնելու նախաձեռնությունը կրթությունը
գիտությանը մոտեցնելու լավագույն քայլերից են: Մանկավարժական համալսարանի ռեկտոր Ռուբեն Միրզախանյանն էլ նշեց, որ այսպես ուսանողներին հնարավորություն կտրվի դրսեւորվելու նաեւ գիտահետազոտական գործունեության մեջ: Երեկ
Մանկավարժական համալսարանում ստորագրվեց նաեւ «ֆոտոնիկական, ժամանակակից
նյութեր ֆոտոնիկայի ու օպտիկական սենսորների համար» հայ-ֆրանսիական
լաբորատորիայի ստեղծման նախագիծ: | 
