280-ՐԴ ՀԱՆԴԻՊՈՒՄ

2018 թ-ի նոյեմբերի 24-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 280–րդ հանդիպումը:

Տիգրան ՊետրոսՅանցը ներկայացրեց ակումբի նոր անդամ, Մանկավարժականի շրջանավարտ Իզաբելլա Հովհաննիսյանին:

Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Ռիմա Սիմոնյանը /«Սրատեսը»/, Իզաբելլա Հովհաննիսյանը /«Աշնանային պոեզիա», «Սերենադ»/, Տաթև Ենոքյանը /Մտորումներ/, Հասմիկ Շուշոյանը /«Անորոշություն»/, Արմո Առաքելյանը /«Ես հավատում եմ արարչությանը», «Եկեք աշխարհ»/, Աշուղ Աստղանույշը /«Հավքի երգ է իմ սերը»/, Սիրանույշ Գրիգորյանի հայերեն երկու բանաստեղծություն ռուսերեն էր թարգմանել Վազգեն Տեր-Հրությունյանը և ընթերցեցին, Տիգրան ՊետրոսՅանցը բանաստեղծություններ կարդաց իր «Հայաստան, իմ սեր» գրքից: Բոլոր ստեղծագործությունների շուրջ ծավալվեց օգտակար քննարկում:

Հանդիպումն ամփոփեց Տիգրան Պետրոսյանցը:

«Մշակութային լուսանցք» Տաթև Ենոքյանը ասմունքեց Պարույր Սևակի բանաստեղծություններից: 
Խոսակցություն ծավալվեց գրական և մերձգրական տարբեր թեմաներով:

Տաթև Ենոքյան
Լուսանկարը՝ հեղինակի