279-ՐԴ ՀԱՆԴԻՊՈՒՄ
2018 թ-ի նոյեմբերի 17-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 279–րդ հանդիպումը:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Կարինե Ամիրյանը /«Կարոտ»/, Զաբելա Աբելյանը /«Կարոտ»/, Ռիմա Սիմոնյանը /«Պոետն ու թառահար Մուշեղը»/, Վարդան Գրիգորյանը /«Բարություն»/, Արմո Առաքելյանը /«Տագնապ»/, Հասմիկ Շուշոյանը /«Էհ, տատի, տատի»/, Մելսիդա Հակունցը /«Ուշ կեսգիշերին»/, Աննա Թադևոսյանը /«Առավոտյան պատկերներ»/: Բոլոր ստեղծագործությունների շուրջ ծավալվեց օգտակար քննարկում:
Հանդիպումն ամփոփեց Տիգրան Պետրոսյանցը:
«Մշակութային լուսանցք» բաժնում Արմոն, Աննան, Վարդանը, Ռիման, Մելսիդան, Զաբելան, Կարինեն կարդացին մեկական ստեղծագործություն:
Ալլան կարդաց Վարդան Գրիգորյանի բանաստեղծությունը: |