267-ՐԴ ՀԱՆԴԻՊՈՒՄ
2018 թ-ի օգոստոսի 11-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 267–րդ հանդիպումը:
Տիգրան ՊետրոսՅանցը ծավալուն դասախոսություն ներկայացրեց 13-րդ դարի մեծագույն քաղաքական գործիչ, Հայաստանի 50-ամյա անկախության կերտիչ Զաքարյանտոհմի, այդ տոհմի ամենամեծ ներկայացուցչի՝ Զաքարե Երկրորդի մասին, նշելով, որ այդ վերնագրով վեպ է պատրաստում տպագրության: Նա հանդիպման մասնակից Մարիամ Թարվերդյանի խնդրանքով խոսք ասաց նախորդ շաբաթվա ընթացքում երկրում ծավալված գործընթացների մասին:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Կարինե Ամիրյանը /«Հայաստան», «Հայկական տարազ»/, Զաբելա Աբելյանը /«Պարզ գիշեր»/, Մարինա Հակոբյանը /«Որն է իմ տունը», «Փոքրիկ աղջիկը», «Իմ հայ ժողովուրդ»/, Արմեն Գևորգը /«Խիղճը»/, Վարդան Գրիգորյանը /«Երազում եմ»/, Սիրանուշ Գրիգորյանը /«Արևի շողը»/, Արմեն Երիմյանը /«Մանկություն»/, Իշխան Բադալյանը /«Կյանքի ճամփան»/, Արմո Առաքելյանը /«Էքսպրոմտ»/, Վան Եղեգը /«Օրհնված արցունքներ»/, Արմինե Մելքումյանը /«Խոսք զինվորին», «Լավություն արա», «Մի երեկո»/, Տիրայրը /Վլադ Հախումյան, «Ինքս ինձ հետ»/, Մարիամ Թարվերդյանը /«Զրույց աստղերի հետ», «Արևոտ ծիրանենի»/: Բոլոր ստեղծագործությունների շուրջ ծավալվեց օգտակար քննարկում:
«Մշակութային լուսանցք» բաժնում Մարիամ Թարվերդյանը կարդաց իր «Տաշեղ» բանաստեղծությունը: Տաթև Ենոքյանը ասմունքեց Պարույր Սևակի երկու բանաստեղծություն:
Արմեն Երիմյանի համաձայնությամբ Տիգրան ՊետրոսՅանցը Կարինե Ամիրյանին և Վան Եղեգին հանձնեց վերջինիս ստեղծագործական երեկոյի մասնակցի հավաստագիր և շնորհակալագիր:
Հանդիպումն ամփոփեց Տիգրան ՊետրոսՅանցը:
Լուսանկարը՝ Նանա Մկրտչյանի, Տաթև Ենոքյանի |