262-ՐԴ ՀԱՆԴԻՊՈՒՄ

2018 թ-ի հունիսի 30-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենս-դահլիճում տեղի ունեցավ «Չորեքշաբթի» գրական ակումբի 262–րդ հանդիպումը:

Տիգրան ՊետրոսՅանցը ծավալուն խոսք ասաց նախորդ շաբաթվա ընթացքում երկրում ծավալված գործընթացների մասին:

Աշուղ Աստղանուշը /Աստղիկ Մելիքբեկյան/ խոսեց եղբոր, Մանկավարժական Համալսարանի բանասիրական ֆակուլտետի 1980 թ-ի շրջանավարտ, համակուրսեցի, վաղամեռիկ Աշոտ Մելիքբեկյանի մասին և Տիգրան ՊետրոսՅանցին նվիրեց իր և վաղամեռիկ եղբոր որդու՝ Դավիթ Մելիքբեկյանի նախաձեռնությամբ հրատարակված Աշոտ Մելիքբեկյանի «Հիշողության կրակ» բանաստեղծությունների գիրքը:

Տիգրան ՊետրոսՅանցը առաջարկեց «Չորեքշաբթի» գրական ակումբի առաջիկա հանդիպումներից մեկը նվիրել Աշոտ Մելիքբեկյանի հիշատակին:

Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Աշուղ Աստղանուշը /«Թե այս աշխարհում» բանաստեղծությունև երգ, «Աշոտին» երգ/, Սիրանույշ Գրիգորյանը /«Ալագյազի լանջերին»/, Մելսիդա Հակունցը /«Բարի խորհուրդ»/, Զաբելա Աբելյանը /«Խիղճը»/, Վարդան Գրիգորյանը /«Այնպես կուզեմ»/, Տալիթան /«Վաղուց ինձ չես գրում»/, Գարիկ Գալոյանը /«Լեռները»/, Իշխան Բաբայանը /քառյակներ/, Լուսինե Հարությունյանը /«Մահը»/, Արմո Առաքելյանը /«Ժամանակը»/, Մարիամ Թարվերդյանը /«Արարատին»/: Բոլոր ստեղծագործությունների շուրջ ծավալվեց օգտակար քննարկում:

«Մշակութային լուսանցք» բաժնում Աշուղ Աստղանուշը կատարեց Գաբրիելյանի «Գանձասար» երգը:

Հանդիպումն ամփոփեց Տիգրան ՊետրոսՅանցը:

Սյուզաննա ԱռաքելՅան
Լուսանկարը՝ հեղինակի