246-ՐԴ ՀԱՆԴԻՊՈՒՄ
2018 թ-ի փետրվարի 3-ին, շաբաթ օրը, Խաչատուր Աբովյանի անվան հայկական պետական Մանկավարժական համալսարանի գիտական գրադարանի հումանիտար գրականության ընթերցասրահի կոնֆերենց-դահլիճում տեղի ունեցավ «Չորեքշաբթի» գրական ակումբի 246–րդ հանդիպումը:
Տիգրան ՊետրոսՅանցը խոսեց Հայաստանում գործող գրական կառույցների մասին, շեշտադրեց իր մոտեցումները մերձգրական և գրականությունից դուրս մարդկային մոտեցումների մասին:
Հանդիպման «Ստեղծագործական ժամացույց» բաժնում իրենց ստեղծագործությունները ներկայացրեցին Գարիկ Գալոյանը /«ընդմիշտ օրորվող երգը», «Կորած հույսը»/, Վարդան Գրիգորյանը /«Անցյալ ես», «Լուսնառատ գիշեր»/, Հասմիկ Բունիաթյանը /«Անձրև»/, Նանա Մկրտչյանը /«Խճճված իլիկ»/: Բոլոր ստեղծագործությունների շուրջ ծավալվեց օգտակար քննարկում:
Հանդիպումն ամփոփեց Տիգրան ՊետրոսՅանցը: |